Man Utd នឹងរុញ Ronaldo ឲ្យក្លាយជាកីឡាករស៊ីថ្លៃបំផុតប្រចាំលីគ ទទួលបានប្រាក់ឈ្នួលដល់ទៅ..
Cristiano Ronaldo បានប្រកាសការវិលត្រលប់មកកាន់ក្លឹប Man Utd វិញហើយ តែពាក់ព័ន្ធនឹងកិច្ចព្រមព្រៀងច្បាស់ការ យើងមិនទាន់ទទួលបាននៅឡើយ។ យ៉ាងណាតាមដំណឹង គឺតារាឆ្នើមវ័យ ៣៦ ឆ្នាំ នឹងទទួលបានកុងត្រា ២ ឆ្នាំ ហើយតម្លៃផ្ទេរដែលក្លឹប Man Utd ផ្តល់ទៅ Juventus គឺល្បាក់ ២០ លានផោន។
មកមើលថ្លៃពលកម្មឯណេះវិញ បើតាមសារព័ត៌មាន TheSun បានចុះផ្សាយថា ក្លឹបបិសាចក្រហមនឹងដាក់ឈ្មោះ Cristiano Ronaldo ឲ្យក្លាយជាកីឡាករស៊ីថ្លៃបំផុតនៅ Premier League ដោយមួយសប្តាហ៍ទទួលបានប្រាក់ ៤៨០ ០០០ ផោន ឬជាង ២៥ លានផោន/ឆ្នាំ ដែលទំហំនេះច្រើនជាងជិត ១០០ ០០០ ផោនធៀបនឹងអ្នកស៊ីថ្លៃបំផុតបច្ចុប្បន្ន។
ទៅមើល Kevin de Bruyne ជាកីឡាករស៊ីថ្លៃដាច់គេនៅ PL សព្វថ្ងៃ ត្រូវបានក្លឹប Man City ផ្តល់ឲ្យ ៣៨៥ ០០០ ផោន/សប្តាហ៍ ដែលមានន័យថា គេនឹងតិចជាងជិត ២០ ភាគរយ ធៀបនឹងម្ចាស់ពាន Ballon d'Or ៥ សម័យកាលខាងលើ។
គួរបញ្ជាក់ដែរថា Ronaldo ទំនងជានឹងបង្ហាញខ្លួនក្នុងការប្រកួតឲ្យ United នៅថ្ងៃទី ១១ កញ្ញាខាងមុខ ពោលក្រោយចប់ International Break ឲ្យជម្រើសជាតិព័រទុយហ្គាល់។ សម្រាប់ប្រកួតថ្ងៃអាទិត្យនេះទល់ Wolves គេនឹងមិនអាចបង្ហាញវត្តមានទាន់ពេលនោះទេ ណាមួយដោយសារមានបញ្ហារបួសដៃស្រាប់ផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
