ចេញចូលលឿន! Juve ចង់ជ្រេយកកូនក្រុម Madrid រូបនេះភ្លែត ក្រោយ Ronaldo ចាកចេញ
មិនចង់ឲ្យទីផ្សារដោះដូរកន្លងផុតទៅនោះទេ ដោយក្លឹបសេះបង្កង់ Juventus ហាក់ចង់ប្រើប្រាស់ពេលវេលាចុងក្រោយប៉ុន្មានថ្ងៃសេសសល់ លើការចរចាយកតារាឆ្នើមរបស់ក្លឹប Real Madrid គឺខ្សែប្រយុទ្ធ Eden Hazard មកបំពេញចន្លោះរបស់ Cristiano Ronaldo ដែលបានចាកចេញផ្ទេរទៅ Man Utd។
ខ្សែប្រយុទ្ធសញ្ជាតិបែលហ្សិកហាក់ទទួលបានការឲ្យតម្លៃជាងខ្លាំងពីលោក Massimiliano Allegri ហើយជឿថា ក្រោយ Kylian Mbappe មកដល់ នោះពេលវេលាបង្ហាញខ្លួនរបស់ Hazard លើទីលានអាចជាមានផលប៉ះពាល់ ដូច្នេះបើគិតពេញចិត្តចង់ចាកចេញ ខាងសេះបង្កង់បើកទ្វារស្វាគមន៍ជានិច្ច។
យើងមិនច្បាស់ថា ស្ថានភាពនឹងអាចសម្រេចទៅបានឬអត់បែបណាទេ ព្រោះអីវិស័យបាល់ទាត់បច្ចុប្បន្ននេះ ពិតជាពិបាកនឹងទស្សន៍ទាយទុកមុន ជាក់ស្តែងដូចរដូវក្តៅនេះ ស្ងាត់ៗ Messi ក៏ផ្ទេរទៅដល់ក្លឹបបារាំង PSG ហើយ Ronaldo ដែលលឺដំណឹងផ្ទេរទៅ City ប៉ុន្មានម៉ោងក្រោយក៏ផ្ទេរមក Man Utd។
គួររំឭកថា Hazard បានផ្ទេរចេញពី Chelsea មកក្លឹប Real Madrid នៅតម្លៃបំបែកកំណត់ត្រា ១១៥ លានអឺរ៉ូ តែមកមើលហាងឆេងបច្ចុប្បន្នគឺចុះសល់ត្រឹមតែ ៥០ ទៅ ៦០ លានអឺរ៉ូប៉ុណ្ណោះ។ ការចាយពេលជាង ២ ឆ្នាំនៅអធិរាជស ខ្សែប្រយុទ្ធវ័យ ធ្វើមិនសូវបានល្អនោះទេ ដោយជាប់គាំងដោយសារបញ្ហារបួសផងអីផង នាំឲ្យគេទើបបង្ហាញខ្លួនបាន ៤៥ ប្រកួត ហើយរកបាន ៥ គ្រាប់និង Assist ៩ លើកប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
