កុំបារម្ភអី Man Utd នឹងមិនលក់កីឡាកររូបនេះទេ បើទោះបី Ronaldo មកដល់
ក្លឹបបិសាចក្រហម Man Utd ត្រូវបានគេរាយការណ៍ថា វត្តមានរបស់ខ្សែប្រយុទ្ធចំណូលថ្មី Cristiano Ronaldo នឹងមិនប៉ះពាល់ដល់ការឈរជើងរបស់ម្ចាស់អាវលេខ ៧ បច្ចុប្បន្នគឺ Edinson Cavani នោះទេ។
ក្លឹបបិសាចក្រហមបានប្រកាសការមកដល់ជាថ្មីរបស់បុរសវ័យ ៣៦ ឆ្នាំ ក្រោយចាកចេញពី Old Trafford កាលពី ១២ ឆ្នាំមុន។ យ៉ាងណាមានមតិខ្លះលើកឡើងថា ម្ចាស់អាវលេខ ៧ បច្ចុប្បន្ន Cavani ទំនងជាត្រូវដើរចេញ ដើម្បីទុកលេខអាវនោះឲ្យអតីតម្ចាស់ចាស់ គឺ Ronaldo មកស្នងបន្ត។
យ៉ាងណាតាមរបាយការណ៍ពី Manchester Evening News ចុះផ្សាយថា ក្រុមរបស់លោក Ole Gunnar Solskjaer មានតែពង្រឹងបន្ថែម ពោលនឹងគ្មានការដក Cavani នោះឡើយ។ ខ្សែប្រយុទ្ធអ៊ុយរុយហ្គាយសល់កុងត្រា ១ ឆ្នាំនៅ Old Trafford ក្រោយពីគេលេងបានល្អ ហើយបន្តនៅរដូវកាលចាស់។ Cavani ផ្ទាល់ក៏ហាក់មិនបង្ហាញតម្រុយចង់ចែកផ្លូវនោះដែរ ពោលពេញចិត្តនឹងការទំនុកបម្រុងដល់ក្លឹបនៅតំបន់ប្រយុទ្ធជាមួយដៃគូថ្មី CR7។
គួររំឭកដែរថា កីឡាករវ័យ ៣៤ ឆ្នាំ Cavani បានបង្ហាញខ្លួនសរុប ៣៩ ប្រកួត រកបាន ១៧ គ្រាប់និង Assist ៦ លើក។ រដូវកាលចាស់ ២០២០/២១ បានបុរសម្នាក់ហើយ ជាចំណែកសំខាន់ជួយក្លឹបឡើងដល់វគ្គផ្តាច់ព្រ័ត្រ Europa League តែស្តាយមិនអាចឆ្លងផុតបាល់ប៉េណាល់ទីក្រោមថ្វីជើងរបស់ Villarreal៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
