កុំទៅ City អី ហើយបើមក Man Utd មិនបាន Rooney ប្រាប់ឲ្យ Ronaldo ទៅក្លឹបនេះ
Wayne Rooney បានចេញមុខមកបញ្ជាក់ភ្លាមៗ ក្រោយពីលឺដំណឹងថា Cristiano Ronaldo មានគំនិតចង់ចាកចេញពីក្លឹប Juventus ហើយផ្ទេរទៅចូលរួមនៅក្លឹបថ្មី មុនបិទទីផ្សារដោះដូររដូវក្តៅ។ ទ្រនំមានភាគរយខ្ពស់ ផ្អែកតាមចចាមអារ៉ាមពេលនេះ គឺក្លឹបមេឃខៀវ Man City។
យ៉ាងណាតាមការយល់ឃើញរបស់អតីតមិត្តរួមក្រុម Wayne Rooney បាននិយាយថា ខ្សែប្រយុទ្ធវ័យ ៣៦ ឆ្នាំមិនគួរជ្រើសរើសការផ្ទេរទៅ Man City នោះទេ ហើយបើជ្រុលជាចង់ចាកចេញមែន គួរតែផ្ទេរទៅក្លឹបបារាំង Paris Saint-Germain តែម្តងទៅ។
ប្រាប់សារព័ត៌មាន talkSPORT អតីតកីឡាករអង់គ្លេសនិយាយ៖ "ខ្ញុំគិតថា Cristiano គឺជាវីរបុរសដ៏អស្ចារ្យមួយនៅ Manchester United ហើយខ្ញុំដឹងថា គាត់ក៏មានមោទនភាពជាមួយរឿងហ្នឹងខ្លាំងណាស់ដែរ"។
លោកបន្ត៖ "ខ្ញុំមិនអាចមើលឃើញគេ [ទៅចូលរួមនៅ Man City] នោះទេ តែក្នុងវិស័យបាល់ទាត់ពេលបច្ចុប្បន្ន យើងពិតជាមិនអាចនិយាយទុកមុន គ្រាន់ថាបើនិយាយពីផ្នែកហិរញ្ញវត្ថុ គាត់គួរតែផ្ទេរទៅក្លឹប PSG ល្អជាង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
