CNCC កំណត់យកក្រុមតំណាងជាតិមានសិទ្ធិ ទៅចូលរួមប្រកួតពានរង្វាន់AFC CUP 2022
គណៈកម្មការប្រកួតបាល់ទាត់ជាតិកម្ពុជា ហៅកាត់ថា CNCC បានប្រកាសនីតិវិធីក្នុងការកំណត់យកក្រុមតំណាងជាតិមានសិទ្ធិ ទៅចូលរួមប្រកួតពាន AFC CUP 2022 ក្នុងករណីបើការប្រកួតពានរង្វាន់ Metfone Cambodian League 2021 & Hun Sen Cup 2021 មិនអាចបញ្ចប់ទៅដោយរលូនតាមកម្មវិធីបាន។
គណៈកម្មការប្រកួតបាល់ទាត់ជាតិកម្ពុជា កំណត់យកក្រុមតំណាងជាតិ ទៅលេងនៅ AFC CUP 2022 នឹងកំណត់ដូចខាងក្រោម៖
ប្រសិនបើការដំណើរការប្រកួតពានរង្វាន់Metfone Cambodian League 2021 & Hun Sen Cup 2021 មិនបញ្ចប់ក្នុងឆ្នាំ២០២១ នោះទេ សិទ្ធិចូលរួមប្រកួតពានរង្វាន់ជើងឯកបាល់ទាត់ទ្វីបអាស៊ី (AFC CUP 2022) នឹងបានទៅក្រុមជើងឯកឆ្នាំ២០២០ ។
ដោយឡែក! ប្រសិនបើការដំណើរការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន និងការប្រកួតពានរង្វាន់ មិត្តហ្វូនខេមបូឌានលីគ ឆ្នាំ២០២១ ដំណើរ ការចប់ទៅតាមដូចការគ្រោងទុក សិទ្ធិចូលរួមប្រកួតពានរង្វាន់ជើងឯកបាល់ទាត់ទ្វីបអាស៊ី (AFC CUP 2022) សូមរក្សានៅដដែលសម្រាប់ក្រុមដែលទទួលបានជើងឯកឆ្នាំ២០២១។
កាលពីរដូវកាលមុន! ក្លិបបឹងកេតតំណាងកម្ពុជាសម្រាប់ការប្រកួត AFC Cup 2021 នេះប៉ុន្តែដោយសារស្ថានភាពកូវីដ១៩ រីករាលដាលក្នុងតំបន់អាស៊ាន និងការលើកពេលច្រើនដងពេក AFC សម្រេចចិត្តបិទចោលការប្រកួតទាំងអស់ក្នុងរដូវកាលនេះតែម្ដង។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
