ស្ត្រីពពោះត្រូវដឹង! បើចង់កើតកូនមកស្បែកសស្អាត ត្រូវទម្លាប់ទទួលទានអាហារទិព្វ ៥ នេះ
ខាងក្រោមគឺជាអាហារទាំង ៥ ដែលអាចជួយឲ្យស្រ្តីពពោះ អាចបង្កើតកូនមកបានស្បែកសស្អាត៖
៥) ផ្លែប៉ោម
ដោយសារតែផ្លែប៉ោមមិនត្រឹមតែសម្បូរទៅដោយវីតាមីនប៉ុណ្ណោះទេ ប៉ុន្តែវាក៏មានអាស៊ីដ Malic ដែលមានឥទ្ធិពលបង្កើនអេម៉ូក្លូប៊ីន ជួយឲ្យស្បែកទារកគ្មានស្នាមអុជខ្មៅ ភ្លឺរលោង ឡើងពណ៌ផ្កាឈូកខ្ចី។ ដូច្នេះស្រ្តីពពោះ គួរតែទទួលទានផ្លែប៉ោម ១-២ ផ្លែជារៀងរាល់ថ្ងៃ។
៤) ផ្លែក្រូច
អ្នកក៏គួរទទួលទានផ្លែក្រូច ២ ផ្លែ/ថ្ងៃ ព្រោះអីវាមានផ្ទុកទៅដោយវីតាមីន C ហើយក៏ជួយឲ្យទារកស្រូបយកជាតិដែកនិងកាល់ស្យូមបានល្អ ដែលនេះវាពិតជាមានប្រយោជន៍សម្រាប់ការបង្កើតសារធាតុពណ៌ដ៏ស្រស់ស្អាតសម្រាប់ទារក។
ដើម្បីស្រូបយកអាហារូបត្ថម្ភចេញពីផ្លែក្រូចល្អបំផុត អ្នកជំនាញណែនាំឲ្យទទួលទានទាំងមូល (មិនរាប់សំបក) មានន័យថា ទទួលទានទាំងសរសៃសាច់របស់វា មិនមែនគ្រាន់តែច្របាច់យកទឹកប៉ុណ្ណោះទេ។ បន្ថែមពីគុណប្រយោជន៍ដល់ស្បែកទារក សរសៃក្រូចក៏ជួយឲ្យម្តាយជៀសបាននៅបញ្ហាទល់លាមកផងដែរ។
៣) ស៊ុត
ស៊ុតមានប្រូតេអ៊ីន និងវីតាមីន A ដែលដើរតួជួយឲ្យស្បែកសនិងរលោង ដូច្នេះអ្នកគួរតែទទួលទានយ៉ាងហោចណាស់ ៤ គ្រាប់/សប្ដាហ៍។ តាមពិតទៅស៊ុតមិនត្រឹមតែល្អសម្រាប់ស្បែកប៉ុណ្ណោះទេ តែវាក៏ជួយឲ្យដំណើរការចរន្តឈាមរបស់ម្តាយនិងកូនក្នុងផ្ទៃមានភាពល្អផងដែរ។
២) ទឹកដូង
ទឹកដូងគឺជាភេសជ្ជៈដែលល្អបំផុត ដោយមានតាំងពីវីតាមីន A, E, C ដែលជួយឲ្យស្បែកទារកមានពណ៌ស និងផ្កាឈូក។ លើសពីនេះវាក៏ជួយពង្រឹងដល់ប្រព័ន្ធរំលាយអាហារនិងឆ្អឹងរបស់ទារកថែមទៀត។
១) ផ្លែបឺរ
ផ្លែបឺរមានវីតាមីន C និង E ដែលវាដើរតួក្នុងការលើកកម្ពស់ស្បែកឲ្យរឹងមាំ និងស។ ខ្លាញ់ចេញពីផ្លែបឺរ គឺជាខ្លាញ់ល្អ ដែលជួយអភិវឌ្ឍស្បែកទារកបានយ៉ាងមានប្រសិទ្ធភាព ដូច្នេះម្តាយដែលពពោះ គួរតែទទួលទានផ្លែបឺរ ៣-៤ ផ្លែក្នុងមួយសប្តាហ៍៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
