ចង់អាយុវែង ជៀសឆ្ងាយពីជំងឺ អ្នកមិនគួរបដិសេធអាហារមានជាតិចត់ទាំង ៤ នេះទេ
ជាការពិតប្រសិនប្រព័ន្ធរំលាយអាហាររបស់មនុស្សយើងដំណើរការល្អ នោះវានឹងជួយដល់ផ្នែកជាច្រើនក្នុងរាងកាយ ដែលនាំឲ្យរាងកាយមានសុខភាពល្អ ជៀសឆ្ងាយពីជំងឺនានា នាំឲ្យមានអាយុវែង។ ខាងក្រោម Knongsrok បង្ហាញអាហារដែលមានជាតិចត់ចំនួន ៤ ដែលវាអាចជួយបានច្រើនដល់ប្រព័ន្ធរំលាយអាហារ៖
៤) ផ្លែប្ល៊ូបឺរី
ប្លឺបឺរី និងក្រេនបឺរី ជាប្រភេទផ្លែឈើដែលមានសារធាតុប្រឆាំងអុកស៊ីតកម្ម ហើយបើទោះបីរសជាតិវារាងចត់បន្តិចមែន តែវាល្អខ្លាំងណាស់សម្រាប់អ្នកដែលមានបញ្ហាក្រពះ ពោលវាជួយពង្រឹងប្រព័ន្ធរំលាយអាហារ។ ល្អបំផុតប្រសិនជាអ្នកអាចទទួលទានវាដោយមិនលាយស្ករ។
៣) តែបៃតង
ជាធម្មតាតែបៃតងរាងមានជាតិចត់បន្តិច ហើយក៏រាងល្វីងបន្តិចដែរ តែបើនិយាយពីផលល្អសម្រាប់សុខភាពគឺមានច្រើន ដោយវាជួយទាំងខួរក្បាល ពោះវៀន និងពង្រឹងឲ្យអារម្មណ៍យើងល្អប្រសើរឡើង។
២) កាហ្វេ
ស្រដៀងទៅនឹងតែបៃតងដែរ កាហ្វេវាមានប្រយោជន៍ចំពោះបេះដូង ហើយផ្តល់ថាមពលដល់រាងកាយ។ បន្ថែមពីនេះវាក៏ជួយដុតជាតិខ្លាញ់ ធ្វើឲ្យសរសៃឈាមបេះដូងដំណើរការល្អថែមទៀត។
១) តែ Chrysanthemum
ប្រសិនបើអ្នកមិនចេះកាហ្វេ អាចប្តូរមកទទួលទានប្រភេទតែ Chrysanthemum នេះបាន។ វាមិនត្រឹមតែផ្តល់ថាមពល បន្ធូរសម្ពាធអារម្មណ៍ប៉ុណ្ណោះទេ ទៀតសោតវាក៏អាចកម្ចាត់ជាតិពុលមួយចំនួនផងដែរ។
យ៉ាងណាសម្រាប់ប្រភេទអាហារទាំង ៤ ខាងលើ យើងសូមណែនាំសម្រាប់អ្នកមានជំងឺក្រួសក្នុងតម្រងនោមមិនឲ្យទទួលទានច្រើនពេកនោះទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
