បាល់ទាត់អាស៊ាន៖ អ្នកចាត់ការទូទៅជម្រើសជាតិថៃថ្មី អ្នកស្រី Nualphan Lamsam ដាក់គោលដៅឈ្នះពា AFF Suzuki Cup 2021
អ្នកចាត់ការទូទៅក្រុមជម្រើសជាតិថៃដែលទើបនឹងបានតែងតាំងថ្មីគឺលោកស្រី នូឡាផាន ឡាំសាម (Nualphan Lamsam )បានកំណត់យកការឈ្នះពានរង្វាន់ AFF Suzuki Cup ជាគោលដៅភ្លាមៗរបស់ក្រុមជម្រើសជាតិ ។
សម្ដីរបស់លោកស្រីត្រូវបានកាសែតបាងកកប៉ុស្តិ៍ដកស្រង់ពីសន្និសីទកាសែតតែងតាំងថា៖ "អ្នកគាំទ្រថៃចង់ឃើញក្រុមជម្រើសជាតិឈ្នះការប្រកួតនេះ ហើយយើងគឺជាប្រជាជាតិដែលឈ្នះច្រើនជាងគេ។ យើងគ្មានជំរើសអ្វីក្រៅពីឈ្នះពានវិញទេ” ។
ថៃឈ្នះពាននេះ ៥ ដង សិង្ហបុរី ៤ ដងវៀតណាម ២ ដង និងម៉ាឡេស៊ីម្តង។
នូឡាផាន ឡាំសាម (Nualphan Lamsam ) ឬលោកជំទាវប៉ាង អាយុ ៥៥ ឆ្នាំត្រូវបាននាងត្រូវបានគេស្គាល់ច្បាស់បំផុតក្នុងសង្គមបាល់ទាត់ថៃ និងអាស៊ាន ហើយកាសទតាំងគាត់ក៏មិនចម្លែកចំពោះកីឡាបាល់ទាត់ថៃ។
ក្រៅពីធ្លាប់ដឹកនាំក្រុមជម្រើសជាតិនារីថៃឱ្យឈ្នះសំបុត្រជិញយន្តហោះទៅប្រកួតពានរង្វាន់បាល់ទាត់ពិភពលោក FIFA World Cup ពីរដង (ក្នុងឆ្នាំ ២០១៥ និង ២០១៩) នាលោកស្រីក៏ជាប្រធានក្លឹប Port FC របស់លីគកំពូលថៃផងដែរ។
លោកជំទាវប៉ាងបាននិយាយថានាងគាំទ្រផែនការរបស់អាជ្ញាធរកីឡាថៃ ក្នុងការនាំយកព្រឹត្តិការណ៍ AFF Suzuki Cup លើកក្រោយមកប្រទេសនេះ។
“ ខ្ញុំតែម្នាក់ឯងមិនអាចធ្វើការផ្លាស់ប្តូរបានទេ។ ក្រុមជម្រើសជាតិជាកម្មសិទ្ធិរបស់មនុស្សគ្រប់គ្នា ដូច្នេះ ខ្ញុំចង់ឲ្យគ្រប់ភាគីដែលពាក់ព័ន្ធរួមមាន FAT រដ្ឋាភិបាល វិស័យឯកជន និងអ្នកគាំទ្ររួបរួមគ្នាដើម្បីជួយឱ្យកីឡាបាល់ទាត់ថៃងើបឡើងជាថ្មី ដោយចាប់ផ្តើមក្លាយជាក្រុមកំពូលអាស៊ាន បន្ទាប់មកប្រកួតប្រជែងនៅកម្រិតអាស៊ីនិងពិភពលោក” ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
