Gary Neville ប្រាប់ឲ្យ Man Utd លក់ ៣ រូបនេះចេញទៅ ហើយប្រមូលលុយយក Kane វិញ
លោក Gary Neville អតីតជើងចាស់នៅបិសាចក្រហម បានបង្ហាញការយល់ឃើញថា ក្លឹបបិសាចក្រហម Manchester United គួរតែចុះហត្ថលេខាយក Harry Kane មុនបិទទីផ្សារដោះដូរនៅថ្ងៃទី ៣១ សីហាខាងមុខនេះ ហើយក្លឹបគួរណាត្រូវលក់កីឡាករមួយចំនួនចេញវិញ ដែលពួកគេសុទ្ធមិនចាំបាច់។
ដូចយើងបានដឹងហើយ Kane អាចមានតម្លៃ ១៥០ លានផោន ដែលបច្ចុប្បន្ន Man City ក៏កំពុងចរចាបន្តទៀតដែរ តែវាស៊ីសងលើការហ៊ានចំណាយ ព្រោះអីក្រុមមេឃខៀវព្រមឲ្យតែ ១២០ លានផោន ដូច្នេះបើ United មានលុយធំចាយពេញថ្លៃដែលលោក Daniel Levy ចង់បាន នោះប្រហែលជាមានភាគរយខ្ពស់។
ប្រាប់សារព័ត៌មាន Sky Sports លោក Neville និយាយថា៖ "ខ្ញុំពិតជាមិនយល់ថាហេតុអ្វី Man Utd មិនបោះជំហានបន្ថែមទៀតទៅក្នុងទីផ្សារដោះដូរ ដោយ Sancho រឿងលុយ ៧០ លានផោនដែលចាយនោះជាលុយឆ្នាំទៅទេ ហើយហេតុអ្វីបានជាមិនលៃលកលក់ចេញ Martial, James, Lingard ដើម្បីប្រមូលលុយយកអ្នកថ្មីដូចជា Harry Kane នៅសប្តាហ៍នេះមកវិញ"។
លោកបន្តថា៖ "ខ្ញុំគិតថាបើ Harry Kane មក Mna Utd នោះក្លឹបប្រាកដជាអាចយកបាន ៩០ ទៅ ៩៥ ពិន្ទុ តែបើអត់គេទេ គឺដឹងតែក្លឹបធ្វើដល់ចំណុចហ្នឹងមិនបានហើយ មួយទៀតមុននិងក្រោយគង់តែត្រូវយកអ្នកថ្មីមកជំនួស Cavani ដែលសេសសល់កុងត្រា ១២ ខែ ហើយ Martial ក៏គេលេងមិនបានល្អដែរហ្នឹង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
