Ferdinand ថាទោះរកបានគ្រាប់បាល់ តែ Lukaku នៅខ្សោយចំណុចនេះលើទីលាន
Rio Ferdinand បានបង្ហាញការយល់ឃើញ ក្រោយពីប្រកួតដំបូងរបស់ Romelu Lukaku ទល់នឹងក្លឹប Arsenal កន្លងទៅ ក៏ដូចជាប្រកួតបើកឆាកដែលខ្សែប្រយុទ្ធបែលហ្សិកអាចរកបានគ្រាប់បាល់ឲ្យក្លឹបថ្មីតោខៀវ Chelsea។
បញ្ជាក់បន្តិច Chelsea ចរចាសម្រេចយកបាន Lukaku មកកាន់ទឹកដី Stamford Bridge ក្រោយចាយលុយ ៩៧,៥ លានផោន ទៅឲ្យអតីតក្លឹបចាស់ Inter Milan។ ការមកដល់សារនេះបុរសវ័យ ២៨ ឆ្នាំ បានព្រមព្រៀងសុពលភាពកុងត្រាដល់ឆ្នាំ ២០២៦។
ក្រឡេកទៅ Ferdinand បានជជែកលើកម្មវិធី Vibe with FIVE ដូច្នោះថា៖ "ខ្ញុំនៅតែគិតថា Lukaku ពេលទប់បាល់លេងក្រៅប្រអប់គ្រោះថ្នាក់ គឺធ្វើមិនទាន់បានល្អនោះទេ [ជាចំណុចខ្សោយរបស់ Lukaku]"។
លោកបន្តថា៖ "តែបើយើងបញ្ជូនបាល់ទៅឲ្យគេនៅក្នុងប្រអប់ គឺម្នាក់នេះច្បាស់ណាស់ គេធ្វើឲ្យគ្រប់គ្នាវង្វេង ដូចអ្វីដែលគេក្រឡុកខ្សែការពារកណ្តាលរបស់ Arsenal អ៊ីចឹង ដែលពួកគេមិនដឹងដោះស្រាយបែបណាចេញឡើយ តួយ៉ាងគឺ Mari ពិតជាគួរឲ្យអាម៉ាស់ ដែលគេមិនដឹងធ្វើអីចេញ"។
"ការលេងរបស់ Lukaku បើមានអ្នកបោះបាល់មកឲ្យត្រឹមត្រូវ នោះគេអាចរកគ្រាប់បាល់យ៉ាងហោចណាស់ក៏ ៣ ទៅ ៤ គ្រាប់ដែរ នេះកាន់តែធ្វើឲ្យខ្ញុំចាប់អារម្មណ៍ហើយ ចង់ឃើញគេលេងតទល់ Van Dijk កាន់តែខ្លាំងឡើង និយាយទៅ ការប៉ះកីឡាករណាដែលមានភាពឈ្លាសវៃក្នុងការការពារ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
