ជម្រើសជាតិអាហ្សង់ទីនទទួលលក្ខខ័ណ្ឌពិសេស២ចំណុចនេះ ក្រោយ Messi ចុះកុងត្រាជាមួយ PSG
ខណៈពេលដែលថ្ងៃ FIFA Day ឬ International Break កាន់តែខិតជិតមកដល់ ឥឡូវនេះប្រភពមួយបានបង្ហាញថា Lionel Messi មានភ្ជាប់លក្ខណៈពិសេសមួយនៅក្នុងកុងត្រារបស់គាត់ ពោលគឺ PSG មិនអាចរារាំងគាត់មិនឱ្យទៅលេងក្នុងជម្រើសជាតិអាហ្សង់ទីន តែ PSG ត្រូវធ្វើរឿងមួយនេះដាច់ខាត។
យោងតាមសារព័ត៌មាន TyC Sports របស់អាហ្សង់ទីន ការប្រកួតមិត្តភាព និងផ្លូវការនឹងមានអាទិភាពបំផុតសម្រាប់ Messi អំឡុងពេលដែលគាត់នៅជាមួយ PSG ។មិនអស់តែត្រឹមនេះទេ ប្រការនេះក៏ផ្តល់សិទ្ធិដល់មន្រ្តីក្រុមជម្រើសជាតិអាហ្សង់ទីនក្នុងការប្រើប្រាស់ឧបករណ៍កីឡា និងទីលានហ្វឹកហាត់របស់ PSG ផងដែរ។
ពិតណាស់! នេះគឺជាអ្វីដែលអ្នកគួរតែតបស្នងចំពោះកីឡាករល្អបំផុតក្នុងពិភពលោក ខណៈដែលគាត់បានផ្ដល់ផលប្រយោជន៍ជាច្រើនឱ្យអ្នកទៅហើយនោះ។ អាហ្សង់ទីននឹងត្រូវប្រកួតជាមួយវ៉េណេស៊ុយអេឡា ប្រេស៊ីល និងបូលីវីក្នុងរយៈពេលមួយសប្តាហ៍នៅខែកញ្ញា ហើយ Messi ទំនងជានឹងចូលរួម។
កាលពីពេលថ្មីៗនេះកីឡាករស៊ុតបញ្ចូលទីច្រើនជាងគេនៅ FC Barcelona រូបនេះបានឈ្នះពានរង្វាន់ជាលើកដំបូងក្នុងជម្រើសជាតិ ដោយអាហ្សង់ទីនបានលើកពាន Copa America ក្រោយឈ្នះប្រេស៊ីលនៅវគ្គផ្ដាច់ព្រ័ត្រ។
ប្រភព៖ TyC Sports
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
