គ្រឿងផ្សំធម្មជាតិ ៥ ជួយកម្ចាត់ស្នាមសង្វារបាត់ដូចគេបេះ ហើយធានាសុវត្ថិភាព
ស្នាមសង្វារ មនុស្សយើងម្នាក់ៗកើតឡើងផ្សេងគ្នា ខ្លះដោយសារធ្លាប់ឆ្លងកាត់ការវះកាត់ ខ្លះដោយសារប្រែប្រួលមាឌខ្លាំងពេកជាដើម។ យ៉ាងណាក្នុងអត្ថបទនេះ Knongsrok ណែនាំគ្រឿងផ្សំធម្មជាតិ ៥ ដែលអាចជួយកម្ចាត់ស្នាមសង្វារបាត់ដូចគេបេះ យ៉ាងមានប្រសិទ្ធភាពនិងសុវត្ថិភាព៖
៥) ស្ករ
ស្ករសយើងធម្មតាហ្នឹង គ្រប់គ្នាបានមើលរំលង តែការពិតវាជារបស់ងាយនិងសាមញ្ញបំផុត ដែលអាចប្រើប្រាស់បំបាត់ស្នាមសង្វារបាន។ វិធីធ្វើ គឺប្រើស្ករ ២ ស្លាបព្រាបាយ លាយប្រេងអាល់ម៉ុង ៥ ស្លាបព្រាបាយ កូរចូលគ្នាឲ្យសព្វ ហើយយកមកលាបនិងម៉ាស្សាថ្នមៗលើទីតាំងដែលមានស្នាមសង្វារ យ៉ាងហោចណាស់ ៥ នាទី ដោយធ្វើ ៣ ដង/សប្តាហ៍។
៤) បឺកាកាវ
វាជាគ្រឿងផ្សំដែលប្រឆាំងភាពចាស់ ហើយនៅខាងក្នុងនោះ មានសារធាតុអាចកាត់បន្ថយស្នាមជ្រីវជ្រួញទៀតផង។ អ្នកអាចប្រើវាមកលាបដោយផ្ទាល់លើស្នាមសង្វារ ២ ដង/ថ្ងៃ។ ក្រៅពីជួយបំបាត់ស្នាមសង្វារ វាក៏ជួយឲ្យស្បែកមានសភាពទន់និងរលោងជាងមុនផងដែរ។
៣) ប្រេងល្ហុង
ការប្រើប្រាស់ប្រេងល្ហុងទៅលាបដោយផ្ទាល់លើស្នាមសង្វារ ក៏ជាវិធីសាស្រ្តងាយៗមួយផងដែរ។ អ្នកអាចយកប្រេងល្ហុងមកម៉ាស្សាថ្នមៗលើទីតាំងសង្វារ ហើយយកថង់ច្រកទឹកក្ដៅឧណ្ហ៍ៗមួយៗ មកអូសថ្នមៗពីលើបន្ត ដើម្បីបន្ថែមប្រសិទ្ធភាព។
២) ប្រទាលកន្ទុយក្រពើ
ជាឱសថធម្មជាតិដែលមិនត្រឹមតែជួយបន្ទន់ស្បែកប៉ុណ្ណោះទេ វាក៏មានមុខងារអាចជួយកម្ចាត់ស្នាមសង្វារបានផងដែរ។ អ្នកអាចយកវាមកលាបលើស្នាមសង្វារ ហើយយកទឹកធម្មតាមកលាងសម្អាត។
១) ប្រេងដូង
ការប្រើប្រាស់ប្រេងដូច គឺជាវិធីព្យាបាលស្នាមសង្វារបែបប្រពៃណីដ៏មានប្រសិទ្ធភាពមួយ។ អ្នកត្រឹមតែយកប្រេងដូងមកម៉ាស្សា ២ ដង/ថ្ងៃ ហើយក្នុងរយៈពេលតែជាង ១ ខែអ្នកនឹងឃើញមានការប្រែប្រួលជាមិនខាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
