ពេញខែផ្លែទៀបសម្បូរ តែអ្នកជំនាញប្រាប់កុំឲ្យបរិភោគផ្នែក ២ នេះ ប្រយ័ត្នពុល!
ខែនេះជារដូវសម្បូរទៅដោយផ្លែទៀប ហើយបើស៊ីជម្រៅទៅវាក៏មានផ្តល់ប្រយោជន៍មួយចំនួនសម្រាប់រាងកាយមនុស្សយើងផងដែរ។ យ៉ាងណាតាមការណែនាំរបស់អ្នកជំនាញ បានប្រាប់ថា ផ្នែកទាំង ២ នៃផ្លែទៀប ជាពិសេសសម្រាប់មនុស្សចាស់និងក្មេងតូច ត្រូវតែបកឬសម្អាតវាចេញសិន មិនត្រូវទទួលទានទាំងអ៊ីចឹងនោះទេ៖
តាំងពីបុរាណមក ផ្លែទៀបជាប្រភេទផ្លែឈើដែលមានឱជារសឆ្ងាញ់ មានជីវជាតិត្រូវគ្រប់បណ្តាស្រទាប់មនុស្សគ្រប់រូប។ យ៉ាងណាវាក៏មានផ្ទុកសារធាតុដែលអាចបង្កជាគ្រោះថ្នាក់បន្តិចបន្តួចផងដែរ ហើយមិនសុទ្ធតែគ្រប់គ្នាដឹងនោះទេ។
នោះគឺផ្នែកសំបកនៃផ្លែទៀប និងគ្រាប់នៃផ្លែទៀប។ បញ្ជាក់ម្តងទៀតគឺផ្នែកសំបក និងផ្នែកគ្រាប់ ដែលវាមានជាតិពុលឲ្យឈ្មោះថា Annonacin ដែលអាចបង្កផលប៉ះពាល់ដល់ខួរក្បាល និងប្រព័ន្ធសរសៃប្រសាទ។
ដូច្នេះយើងត្រូវប្រាកដថា ពេលទទួលទាននឹងពុំបានលេបផ្នែកទាំង ២ ដូចបង្ហាញខាងលើ ចូលទៅក្នុងពោះ ជាពិសេសគឺមនុស្សចាស់ និងកុមារតូចៗ ត្រូវតែសម្អាតឬដកផ្នែកទាំងពីរចេញ។ ប៉ុន្តែវាក៏តាមស្ថានភាពចៃដន្យខ្លះដែរ បើច្រឡំលេបគ្រាប់វាចូល បើប្រភេទគ្រាប់នោះសំបកគ្រាប់វារាងរឹង គឺមិនងាយរលាយជាតិពុលចេញមកបានទេ តែបើសំបកគ្រាប់វាស្តើង នោះអាចបង្កជាជាតិពុលនាំឲ្យអ្នកក្អួត ចង្អោរ ឬកើតមានអាការៈមួយចំនួនផ្សេងទៀតបាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
