ផ្លែឈើទាំង ៥ ប្រៀបដូចឱសថទិព្វ កាន់តែទទួលទាន កាន់តែជួយឲ្យសាច់ចាំក្មេងជាងវ័យ
ការទទួលទានផ្លែឈើ តាមថាមិនសុទ្ធតែល្អនោះទេ ហើយត្រូវសួរខ្លួនឯងថាយើងចង់ទទួលទានដើម្បីទទួលបានអ្វីត្រលប់មកវិញ? ជាក់ស្តែងបើអ្នកចង់បានសម្រស់ក្មេងជាងវ័យ សាច់ចាំមិនងាយជ្រីវជ្រួញ អ្នកគួរតែជ្រើសរើសប្រភេទផ្លែឈើទាំង ៥ ដូចបង្ហាញខាងក្រោម៖
៥) ផ្លែទទឹម
វាមានផ្ទុកប៉ូលីហ្វេណុលអាស៊ីត និងសារធាតុប្រឆាំងអុកស៊ីតកម្ម ដែលជួយកាត់បន្ថយផលប៉ះពាល់នៃរ៉ាឌីកាលសេរី អាចការពារភាពជ្រីវជ្រួញនិងភាពចាស់ជាងវ័យ។ ក្រៅពីនេះផ្លែទទឹមក៏ជួយឲ្យសម្ពាធឈាមមានតុល្យភាព និងល្អប្រសើរឡើងវិញនូវបញ្ហាសរសៃឈាមបេះដូងថែមទៀតផង។
៤) ផ្លែបឺរ
ផ្លែបឺរ មានអាស៊ីដខ្លាញ់អូមេហ្គា-៣ ដែលវាអាចផ្តល់សំណើមនិងជួយឲ្យស្បែកភ្លឺថ្លា ហើយវាក៏ជួយចិញ្ចឹមកោសិកាស្បែកនិងជួយពន្យឺតដំណើរការចាស់ផងដែរ។
៣) ផ្លែប្ល៊ូបឺរី
មិនត្រឹមតែមានឱជារសឆ្ងាញ់ប៉ុណ្ណោះទេ វាក៏ថែមទាំងជួយដល់សុខភាពជាច្រើនផងដែរ ដូចជាពង្រឹងសុខភាពបេះដូង និងបញ្ចុះកូឡេស្តេរ៉ុលអាក្រក់។ ជាមួយសម្រស់វិញ គឺវាជួយជំរុញការផលិតខូឡាជែន ដែលធ្វើឲ្យស្បែក ក្រចក និងសរសៃសករឹងមាំ ហើយអាចបំបាត់ស្នាមជ្រីវជ្រួញយ៉ាងមានប្រសិទ្ធភាព។
២) ផ្លែឪឡឹក
ល្អបំផុតសម្រាប់ស្រ្តី ក្នុងការពន្យឺតដំណើរការចាស់ ហើយវាសម្បូរទៅដោយប៉ូតាស្យូម វីតាមីន C និងសារធាតុប្រឆាំងអុកស៊ីតកម្ម ដែលវាមានសមត្ថភាពអាចចិញ្ចឹមកោសិកាស្បែក និងការពារការជ្រៀតចូលនៃរ៉ាឌីកាលសេរី។
១) ផ្លែល្ហុង
វាសម្បូរទៅដោយវីតាមីន និងសារធាតុរ៉ែដែលជួយចិញ្ចឹមឲ្យស្បែកភ្លឺថ្លា ហើយក៏ជួយសម្អាតកោសិកាដែលងាប់ និងលើកកម្ពស់ដល់ការបង្កើតកោសិកាថ្មីត្រលប់មកវិញ។ បន្ថែមពីនេះជាតិសរសៃរបស់វាក៏ជួយជំរុញដល់ប្រព័ន្ធរំលាយអាហារឲ្យដំណើរការល្អ បញ្ចៀសបញ្ហាទល់លាមកបានយ៉ាងមានប្រសិទ្ធភាព៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
