អនុវត្តទម្លាប់ ៤ នេះជាប់ ទោះចូលដល់អាយុ ៤០ ឆ្នាំក៏សាច់នៅខ្ចី គ្មានស្នាមជ្រីវជ្រួញ
មនុស្សស្រីជាទូទៅតែចូលដល់អាយុរាង ៣០ ឆ្នាំក្រាស់ ឬហៀរចូលអាយុ ៤០ ច្រើនតែប្រែប្រួលសភាពរាងកាយ ដែលខ្លះទៅមានស្នាមអុជខ្មៅឡើងច្រើន ស្បែកឡើងជ្រីវជ្រួញ និងមិនភ្លឺចែងចាំងដូចមុន។
ប៉ុន្តែក៏យើងសង្កេតឃើញស្រ្តីខ្លះ សាច់សឹងតែស្អាតជាងក្រមុំទៅទៀត តាមពិតទៅពួកគេមានរូបមន្តសាមញ្ញ ៤ ដែលអ្នករាល់គ្នាអាចយកទៅអនុវត្តបាន៖
៤) ទទួលទានឲ្យបានគ្រប់គ្រាន់
ទឹកគឺជាសារធាតុផ្សំជាពិសេស ដែលរាងកាយត្រូវការចាំបាច់ ហើយបើមានជាតិទឹកគ្រប់គ្រាន់ វាក៏ជួយបន្សាបជាតិពុលបានល្អផងដែរ។ ផ្ទុយទៅវិញបើរាងកាយខ្វះជាតិទឹក នោះជាតិពុលនឹកកកកុញច្រើននៅក្នុងខ្លួន ជាហេតុនាំឲ្យស្បែកស្ងួត និងឡើងស្នាមជ្រួញយ៉ាងឆាប់រហ័ស។ ដូច្នេះអ្នកគួរមានទម្លាប់ទទួលទានទឹកប្រហែល ៨ កែវ ឬ ២ លីត្រក្នុងមួយថ្ងៃ។
៣) ធ្វើលំហាត់ប្រាណយ៉ាងហោច ៤០ នាទី/ថ្ងៃ
មនុស្សស្រីជាច្រើន ឃើញពួកគាត់អាយុចូល ៤០ ឆ្នាំហើយ តែរាងនៅស្លីម តឹងណែនល្អ នោះក៏ដោយសារពួកគាត់មានទម្លាប់ធ្វើលំហាត់ប្រាណជាប្រចាំ។ នេះវាជួយរក្សានៅតុល្យភាពរាងកាយ ដែលជួយកម្ចាត់ខ្លាញ់លើស កាឡូរី ដែលវាជាកត្តាកំណត់សុខភាពនិងសម្រស់មួយផ្នែកធំរបស់ស្រ្តី។
២) លាបឡេការពារកម្តៅថ្ងៃ
ឡេការពារកម្តៅថ្ងៃ ជារបស់ដែលត្រូវការចាំបាច់ ព្រោះវាមានមុខងារប្រឆាំងនឹងកាំរស្មី UVA និង UVB។ យើងគួរតែលាបជារៀងរាល់ថ្ងៃមិនថាតែរដូវក្តៅ ឬរដូវរងានោះទេ ហើយមុនពេលចេញទៅក្រៅ ៣០ នាទី អ្នកត្រូវតែឆ្លៀតពេលលាបវា ហើយលាបម្តងទៀតរៀងរាល់ ២-៣ ម៉ោងម្តងបើអាច។
១) កុំទទួលទានអាហារខ្លាញ់ច្រើន
ជាតិខ្លាញ់លើសវានឹងចូលទៅបំបែកខូឡាជែននៅក្នុងស្បែក ជាហេតុនាំឲ្យស្បែកឡើងស្នាមជ្រួញយ៉ាងឆាប់រហ័ស។ ដូច្នេះក្រៅពីទម្លាប់ទទួលទានទឹកឲ្យបានច្រើន អ្នកក៏ត្រូវកំណត់របបអាហារដោយជ្រើសរើសយកអាហារមានបន្លែផ្លែឈើច្រើនជាងសាច់ ហើយល្អបំផុតកុំទទួលទានកៀកពេលចូលគេង ត្រូវមានគម្លាតពីគ្នា២-៣ ម៉ោង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
