ច្បាស់ដូចថ្ងៃ! ជ្រើសរើសស្រោមសំបុត្រមួយ អាចទាយច្បាស់ៗថាអ្នកជាមនុស្សបែបណា?
តាមរយៈស្រោមសំបុត្រទាំង ៦ មានភាពខុសប្លែកពីគ្នា ចុះសម្រាប់ការយល់ឃើញរបស់អ្នក តើអ្នកពេញចិត្តស្រោមសំបុត្រមួយណាជាងគេ? តាមរយៈចម្លើយរបស់អ្នក យើងអាចបង្ហាញចំៗថាអ្នកជាមនុស្សបែបណា ហើយគួរទទួលបានសារណែនាំអ្វីខ្លះសម្រាប់ជីវិត៖
ស្រោមសំបុត្រទី ១
ស្រោមសំបុត្រដែលមានរូបព្រះអាទិត្យ បង្ហាញថាជីវិតអ្នកហាក់កំពុងជួបបញ្ហានៅពេលកន្លងមក តែតាមរយៈការជ្រើសរើសសារនេះ គឺចង់ប្រាប់អ្នកថា គ្រប់បញ្ហាទាំងអស់នោះ នឹងត្រូវរសាត់បាត់បន្តិចម្តងៗពីជីវិតរបស់អ្នកនៅពេលខាងមុខ។
មិនថាតែបញ្ហាការងារ ការរកស៊ី ឬបញ្ហាសុខភាពដែលកំពុងមាន វាក៏នឹងជាសះស្បើយ បន្ថែមភាពរឹងមាំត្រលប់មកឲ្យអ្នកវិញ ហើយលាយឡំដោយភាពសប្បាយរីករាយ និងជោគជ័យពិតប្រាកដ។
ស្រោមសំបុត្រទី ២
អ្នកជាមនុស្សដែលពូកែខាងសន្ទនា ខាងប្រាស្រ័យទាក់ទង តែយ៉ាងណាយើងបានរកឃើញថា នៅពេលនេះ អ្នកដូចជាមានគេនិយាយដើមពីក្រោយខ្នង។ យ៉ាងណាយើងសូមណែនាំទៅកាន់អ្នក បើដឹងថាជានរណាហើយ ក៏កុំមានការយកចិត្តទុកដាក់ខ្លាំងពេកអី ព្រោះសម្តីរបស់គេមិនមានតម្លៃដល់ថ្នាក់អ្នកត្រូវចាយពេលវេលាទៅខាតប្រយោជន៍ជាមួយនោះទេ។
ស្រោមសំបុត្រទី ៣
អ្នកជាមនុស្សដែលរំពឹងខ្ពស់លើប្រាក់ចំណូល ដែលនាំឲ្យពេលខ្លះវារាងបាក់ទឹកចិត្តខ្លាំងបន្តិចដែរ តែអ្នកក៏ត្រូវរៀនទទួលយក ព្រោះជីវិតមនុស្សយើងគ្មានតុល្យភាពនោះទេ បើមានឡើងក៏គង់មានថ្ងៃមានចុះខ្លះអ៊ីចឹងហើយ។ ទោះជាយ៉ាងណានៅពេលខាងមុខ យើងណែនាំឲ្យអ្នកមានការសន្សំសំចៃបន្តិច ព្រោះអ្នកអាចនឹងប្រឈមបញ្ហាចំណាយច្រើនជាងចំណូល។
ស្រោមសំបុត្រទី ៤
អ្នកជាមនុស្សមិននៅខ្លួនទំនេរទេ ទើបជ្រើសយកស្រោមសំបុត្រមួយនេះ។ អ្នកមានគូហើយ ដោយអាចជាសង្សារ ឬប្តីប្រពន្ធ។ តាមរយៈស្រោមសំបុត្រនេះ យើងចង់ប្រាប់អ្នកថា មួយរយៈមុនអ្នករវល់ពេកដល់ថ្នាក់លែងសូវមានពេលវេលាសម្រាប់មនុស្សជាទីស្រលាញ់ ឥឡូវដល់ពេលដែលអ្នកត្រូវផ្លាស់ប្តូរទង្វើបែបនោះចេញហើយ។
ស្រោមសំបុត្រទី ៥
អ្នកជាមនុស្សដែលកំពុងមានបំណងប្រាថ្នាចង់បានទ្រព្យធំមួយជាខ្លួនឯង អាចជាផ្ទះ ជាឡាន ដោយគិតថា អ្នកត្រូវរៀបចំខ្លួនឲ្យបានរួចស្រេចជាមុន សឹមបង្កើតជាគ្រួសារតូចមួយ។ ពេលវេលាខាងមុខនេះ ដល់ពេលហើយដែលអ្នកអាចផ្លាស់ប្តូរលំហូរជីវិតដ៏ធំមួយ ទៅក្នុងការចំណាយធំលើផ្ទះ ឬអាផាតមិនណាមួយកន្លែង។
ស្រោមសំបុត្រទី ៦
អ្នកជាមនុស្សដែលគិតពីអ្នកដទៃជុំវិញខ្លួនខ្លាំងជាងខ្លួនឯង។ អ្នកមើលឃើញ បារម្ភសុខទុក្ខគេណាស់ តែពេលខ្លះភ្លេចបង្កើតក្តីសុខសម្រាប់ខ្លួនឯង។
វាជាទង្វើគាប់ប្រពៃហើយ តែក្នុងកាលៈទេសៈខ្លះយើងមិនអាចអាត្មានិយមចំពោះខ្លួនឯងរហូតនោះទេ ដល់ពេលហើយត្រូវគិតពីខ្លួនឯងខ្លះផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
