រាល់ថ្ងៃអ្វីដែលធ្វើឲ្យអ្នក មានសេចក្តីសុខ? រើសវាលស្មៅមួយណាដែលអ្នកចង់ទៅបំផុត ដើម្បីដឹងពីចិត្តខ្លួនឯង
សូមស្រមៃថា អ្នកកំពុងសម្រាកយ៉ាងមានក្តីសុខនៅលើវាលស្មៅ បន្ទាប់មកជ្រើសរើសវាលស្មៅ ១ ដែលអ្នកគិតថាវាទាក់ទាញអ្នកបំផុត ហើយទៅមើលចម្លើយរបស់អ្នកនៅខាងក្រោម ។
១. អ្នកមានក្តីសុខជាមួយក្តីសុបិន និងការពិត
អ្នកអាចមានសេចក្តីសុខងាយៗ ជាមួយអ្វីដែលខ្លួនមាន ហើយអ្នកតែងតែមានអារម្មណ៍រីករាយគ្រប់ពេលវេលា ដោយមិនយកខ្លួនទៅប្រៀបធៀបនឹងនរណាឡើយ ។ អ្នកមានអំណាចនៃការបង្កើតកំលាំងចិត្តសម្រាប់ខ្លួនឯង ហើយជឿជាក់ថាជារៀងរាល់ថ្ងៃ អាចជាថ្ងៃពិសេសសម្រាប់អ្នក ។
ទន្ទឹមនឹងនោះ អ្នកក៏មានទំនោរមិនសូវជាចូលចិត្ត មនុស្សដែលចូលចិត្តដ្រាម៉ា ត្អូញត្អែរប៉ុន្មានទេ អ្នកតែងតែព្យាយាមនៅឱ្យឆ្ងាយពីមនុស្សប្រភេទនោះ ។ ហើយទោះបីជាអ្នកពូកែស្រមៃក៏ពិត ប៉ុន្តែអ្នកនៅតែស្ថិតនៅក្នុងពិភពពិត ដូច្នេះគ្រាន់តែមានក្តីសុបិន្ត ក៏អ្នកអាចធ្វើឲ្យអ្នកមានសេចក្ដីសុខដែរ ។
២. អ្នកមានសេចក្តីសុខជាមួយសិល្បៈ និងសេចក្ដីស្នេហា
អ្នកមើលឃើញពិភពលោកមានភាពស្រស់ស្អាត ស្រស់ស្រាយ និងការបំផុសគំនិត ខណៈពេលដែលអ្នកផ្សេងទៀតប្រហែលជាមើលមិនឃើញ ។ អ្នកជាមនុស្សទន់ភ្លន់ និងងាយរំជួលចិត្ត ដូច្នេះហើយគ្រាន់តែសេចក្តីស្នេហា និងការយកចិត្តទុកដាក់ វាក៏ធ្វើឲ្យអ្នកមានសេចក្តីសុខដែរ ។ អ្នកមានភាពជឿជាក់លើខ្លួនឯងណាស់ ហើយក៏មិនខ្វល់ថាអ្នកដទៃគិតយ៉ាងណាដែរ ព្រោះអ្នកតែងតែមើលពិភពលោកនេះក្នុងផ្លូវវិជ្ជមាន ។
គ. អ្នកមានសេចក្តីសុខ ដោយសារចំណេះដឹង និងការសម្របខ្លួន
អ្នកជឿថា អ្នកអាចទៅគ្រប់ទីកន្លែងដែលអ្នកចង់នៅ ហើយអាចរស់នៅចុះសម្រុងជាមួយអ្នកជុំវិញខ្លួនបានយ៉ាងងាយ ។ មិនថាស្ថានភាពបែបណាក៏ដោយ ក៏អ្នកអាចកែសម្រួលបានយ៉ាងងាយស្រួល ថែមទាំងក្លាយជារឿងល្អទៀតផង ។ អ្នកគឺជាមនុស្សពូកែសង្កេតណាស់ ទើបមិនចម្លែកទេដែលអ្នកមានភាពឈ្លាសវៃ និងមានប្រព័ន្ធចងចាំដ៏អស្ចារ្យ វាធ្វើអ្នកគិតបានវែងឆ្ងាយ ហើយកម្រនឹងភ្លេចរឿងដែលកើតឡើងងាយៗណាស់ ។
ឃ. អ្នកមានសេចក្តីសុខ ជាមួយនឹងសេរីភាព និងភាពស្ងប់សុខ
អ្នកមានរបៀបរស់នៅផ្ទាល់ខ្លួន ហើយរីករាយតាមរបៀបផ្ទាល់ខ្លួនរបស់អ្នក ដូច្នេះមនុស្សតិចតួចណាស់ដែលយល់ពីអ្នក ។ អ្នកតែងតែវិភាគរឿងដោយខ្លួនឯង និយាយឲ្យស្រួលស្តាប់គឺអ្នកមិនជឿសម្តីអ្នកដទៃឡើយ អ្នកតែងតែគិតតែក្នុងផ្លូវស្ងប់សុខ មិនច្រណែន ឬឈ្នានីសនរណាឡើយ ។ ភាគច្រើនអ្នកតែងតែក្រោកពីព្រលឹម ហើយចូលគេងយប់ជ្រៅ ព្រោះអ្នកមានអារម្មណ៍មានសេចក្ដីសុខ នៅពេលវេលាដែលស្ងប់ស្ងាត់ ៕
ប្រភព៖ edu zone/Knongsrok
ព័ត៌មានថ្មីៗ
