ជីវិតអ្នកពេលនេះលំបាកហើយ! ជ្រើសរើសពពកមួយ ដើម្បីទទួលយកសារណែនាំដ៏ល្អ
ជីវិតមនុស្សយើងម្នាក់ៗ មិនស្ថិតស្ថេររហូតនោះទេ ក៏មានថ្ងៃឡើងចុះអ៊ីចឹងដែរ យ៉ាងណាយើងក៏មិនត្រូវឆាប់អស់សង្ឃឹមពេកនោះដែរ ដ្បិតបើជួបរឿងលំបាកបែបណាក៏ដោយ។ ខាងក្រោមយើងចូលរួមចំណែកជាសារណែនាំនិងលើកទឹកចិត្ត សម្រាប់បញ្ហារបស់អ្នក តាមរយៈការជ្រើសយកនៅរូបភាពពពកមួយដែលអ្នកពេញចិត្ត៖
ពពកទី ១
អ្នកគឺជាមនុស្សម្នាក់ ដែលឲ្យតែបានចែករំលែកភាពវិជ្ជមាន និងសំណាងដែលអ្នកទទួលបានទៅកាន់គេ គឺអ្នកមានអារម្មណ៍ថារីករាយ។ យ៉ាងណាសូមបញ្ឈប់ការចាយពេលឥតប្រយោជន៍ ទៅកាន់មនុស្សមួយចំនួន ដែលគេមិនរីករាយជាមួយនឹងក្តីសុខរបស់អ្នកទៅ។
មនុស្សប្រភេទនោះ សប្បាយតែពេលយើងជួបទុក្ខទេ ហើយគេចាំមើលបំណាំយើង មិនបានចាំអបអរសាទរដល់យើងឡើយ។ យ៉ាងណាការច្រណែនរបស់ពួកគេ អ្នកត្រូវបង្វែរវាឲ្យក្លាយជាអ្វីម្យ៉ាង ដែលជំរុញឲ្យអ្នករឹងមាំ នោះទើបល្អ។
ពពកទី ២
អ្នកមានសមត្ថភាពអស្ចារ្យក្នុងការដោះស្រាយបញ្ហា និងជួយដល់មនុស្សមួយចំនួនដែលគេត្រូវការជំនួយ។ ហេតុនេះហើយទើបអ្នករមែងទទួលបានការគោរពស្រលាញ់ និងឲ្យតម្លៃពីមនុស្សជុំវិញខ្លួន។
យ៉ាងណាសូមប្រយ័ត្នការជឿជាក់ និងទុកចិត្តរបស់អ្នក ទៅលើពួកគេ ព្រោះមានមនុស្សខ្លះអ្នកបានជួយពួកគេហើយ តែគេបែរជាមិនដឹងគុណ ហើយថែមទាំងនិយាយអាក្រក់ និយាយបង្ខូចឈ្មោះអ្នកទៀត។ ប៉ុន្តែអ្នកក៏មិនត្រូវខ្លាចមនុស្សប្រភេទនេះដែរ ដោយត្រូវចាំថា យើងមិនអាចហាមមាត់របស់គេបានទេ តែអាចហាមត្រចៀករបស់យើងមិនឲ្យស្តាប់អ្នកដទៃបាន។ ចូរបន្តរីករាយនឹងអ្វីដែលខ្លួនមាន មានតែខ្លួនឯងទេស្គាល់ពីខ្លួនឯងច្បាស់។
ពពកទី ៣
អ្នកជាមនុស្សដែលមានសប្បុរសធម៌ ចូលចិត្តយកអាសាអ្នកដទៃ។ អ្នកស្មោះត្រង់នឹងគេណាស់ តែសោកស្តាយមួយរយៈក្រោយនេះ អ្នកបានជួបមនុស្សដែលមិនស្មោះត្រង់នឹងអ្នក អាចថាជាដៃគូស្នេហា មិត្តភ័ក្ដិ ឬដៃគូការងារ រកស៊ីណាមួយ។
វាហាក់ធ្វើឲ្យអ្នកស្មុគស្មាញចិត្តជាខ្លាំង ហត់នឿយជាខ្លាំង ព្រោះអ្នកដាក់ការជឿជាក់ទៅលើគេទាំងស្រុង រួចចុងក្រោយអ្នកជាមនុស្សទទួលការឈឺចាប់ធំបំផុត។ បន្ទាប់ពីរឿងនេះទៅត្រូវចាំថា គ្រប់យ៉ាងលើលោក កុំរំពឹងទុកខ្ពស់ពេកឲ្យសោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
