ទំហំនិងកម្រិតនៃផ្នែកទាំង ៤ ដែលអ្នកត្រូវតែពិនិត្យ កាន់តែលើសកម្រិត អ្នកកាន់តែអាយុខ្លី
តើអ្នកដឹងទេថា លើរាងកាយរបស់យើងមានផ្នែកសំខាន់មួយចំនួនដែលយើងអាចពិនិត្យវាដោយខ្លួនឯងបាន ដើម្បីអាចវិនិច្ឆ័យដឹងនៅស្ថានភាពសុខភាពរបស់មនុស្សយើងម្នាក់ៗ។ ជាទូទៅវាកាន់តែលើសកម្រិត នោះក៏នឹងឲ្យអ្នកកាន់តែអាយុខ្លី៖
៤) រង្វង់ក ៣៥ សង់ទីម៉ែត្រ
យោងតាមការសិក្សាមួយបង្ហាញថា រង្វង់ករបស់អ្នកកាន់តែធំ នោះហានិភ័យនៃការកើតជំងឺសរសៃឈាមបេះដូងក៏កាន់តែខ្ពស់។ ជាទូទៅសម្រាប់មនុស្សប្រុស រង្វង់កល្អបំផុតគឺទំហំមិនគួរលើសពី ៣៩ សង់ទីម៉ែត្រ ហើយមនុស្សស្រីមិនគួរលើសពីទំហំ ៣៥ សង់ទីម៉ែត្រ។
៣) ចង្កេះ ៨០ សង់ទីម៉ែត្រ
ចង្កេះកាន់តែធំ មានន័យថាជាតិខ្លាញ់លើសកាន់តែច្រើន ហើយអាចបំផ្លាញដល់ទៅលំពែង និងបង្កើនហានិភ័យនៃការកើតជំងឺទឹកនោមផ្អែម លើសឈាម និងលើសជាតិខ្លាញ់ជាដើម។ ទំហំធម្មជាតិនៃចង្កេះ ដាច់ខាតសម្រាប់បុរសមិនគួរលើសទំហំ ៩០ សង់ទីម៉ែត្រ ហើយសម្រាប់ស្រ្តីមិនគួរលើសទំហំ ៨០ សង់ទីម៉ែត្រ។ បើលើកម្រិតនេះ មានន័យថាអ្នកប្រឈមហានិភ័យនៃការកើតជំងឺទៅថ្ងៃខាងមុខ តែបើក្រោមនេះ គឺអាចថាជាមនុស្សមានសុខភាពល្អ។
២) កូលេស្តេរ៉ុល ៥,១៨
ការធ្វើតេស្តមើលកម្រិតកូលេស្តេរ៉ុល បើអ្នកស្ថិតនៅកម្រិតលើសពី ៥,១៨ នោះគឺងាយនឹងប្រឈមហានិភ័យនៃការកើតជំងឺដាច់សរសៃឈាមខួរក្បាល។ ក្នុងករណីនេះ ដើម្បីសម្អាតឈាម អ្នកគួរតែមានទម្លាប់ទទួលទានខ្ទឹមស ២ កំពឹសជារៀងរាល់ថ្ងៃ ហើយឧស្សាហ៍ហាត់ប្រាណជាប្រចាំផង។
១) ចង្វាក់បេះដូង ១០០ ចង្វាក់/នាទី
នៅពេលដែលមនុស្សយើងសម្រាកនៅស្ងៀម មិនធ្វើអ្វីសោះ ចង្វាក់បេះដូងអាចស្ថិតនៅចន្លោះ ៦០-៩០ ចង្វាក់/នាទី ប៉ុន្តែបើវាលោតញាប់ពេក ហួសពីកម្រិតនេះឈានដល់ ១០០ លើអីនោះ មានន័យថា អ្នកកំពុងមានបញ្ហាសុខភាព ហើយអាចប្រឈមការកើនឡើងសម្ពាធឈាមខ្ពស់ ក៏ដូចជាវិវត្តទៅរកជំងឺក្រិនសរសៃឈាមផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
