មនុស្សស្រីបើចេញចរិត ៥ នេះមក មិនយូរទេមុននិងក្រោយបុរសនឹងដើរចេញហើយ
ស្ថិតក្នុងទំនាក់ទំនងស្នេហា មនុស្សប្រុសរមែងតែងតែចង់ទទួលបានការគោរពនិងឲ្យតម្លៃ ហើយវាក៏ ជាហេតុផលមួយក្នុងចំណោមហេតុផលជាច្រើនទៀត ដែលអាចរក្សាចំណងស្នេហ៍និងចិត្តរបស់គេឲ្យរឹងមាំ អាចបន្តនៅជាមួយនារីម្នាក់នោះបាន។
យ៉ាងណាសម្រាប់ស្រីៗ បើក្នុងទំនាក់ទំនងស្នេហា បែរជាចេញចរិត ៥ នេះមក នោះចាំមើលទៅមិនយូរទេ មុននិងក្រោយខាងបុរសប្រាកដជាដើរចេញដោយគ្មានការស្តាយស្រណោះឡើយ៖
៥) ប្រកាន់គ្រប់រឿង
មនុស្សស្រីមួយចំនួនពេលខ្លះ ក្នុងទំនាក់ទំនងស្នេហានាងហាក់ដាក់អារម្មណ៍ដល់ពេក ដោយនាងមិនសូវចេះលើកលែង ហើយរមែងប្រកាន់ និងទើសទាល់គ្រប់រឿង។ ចំណុចនេះហើយសម្រាប់បុរស ហាក់ដូចជាទទួលរងសម្ពាធ យូរទៅការស្រលាញ់បែរក្លាយជាការខ្លាចចិត្ត ហើយក៏នាំឲ្យអស់ហេតុផលនឹងនៅបន្ត។
៤) អ្នកគ្រប់គ្រងគេពេក
មនុស្សស្រីត្រូវចាំ ក្នុងទំនាក់ទំនងស្នេហា អ្នកមិនត្រូវបណ្តោយពេក មិនត្រូវត្រួតគេពេក ពោលគឺ ៥០/៥០។ និយាយទៅបារម្ភបាន តែកុំបារម្ភជ្រុល បណ្តោយបាន តែកុំបណ្តោយហួសហេតុ ដល់ថ្នាក់មើលតែជាអ្នកដទៃ។
៣) មិនគោរពនិងឲ្យតម្លៃ
បុរសតែងតែចង់ទទួលបានការសរសើរ ការឲ្យតម្លៃ វាជាធម្មជាតិរបស់បុរសគ្រប់រូបទៅហើយ។ ប៉ុន្តែយូរទៅអ្នកបែរជាលែងគោរព អ្នកលែងខ្វល់ពីអារម្មណ៍របស់គាត់ ហើយបើទោះបីគាត់ជោគជ័យអ្វី គាត់សម្រេចបានផលអ្វី ក៏គ្មានពាក្យសរសើរ លើកទឹកចិត្ត នោះក៏ជាហេតុផលដែលគាត់ចង់ចាកចេញមួយដែរ។
២) ពេលវេលា
សម័យនេះមនុស្សប្រុសស្រី រវល់ដូចគ្នា មានការងាររៀងខ្លួន តែយ៉ាងណាខាងបុរសក៏ត្រូវការពេលវេលានៅជាមួយគ្នាឲ្យបានច្រើនដែរ។ តាមពិតទៅរឿងនេះមិននិយាយថាខាងបុរស ឬនារីទេ បើមិនចេះឆ្លៀតពេលឲ្យគ្នា ហើយខ្វល់តែរឿងការងារ ឬការរកស៊ីរៀងខ្លួន យល់ល្អកុំមានស្នេហាអីល្អជាង។
១) អ្នកបន្ទាបតម្លៃខ្លួនឯង
ពាក្យនេះមានន័យថា ទាំងចរិតឬកពារ ទាំងការតុបតែងខ្លួនរបស់អ្នក គឺអ្នកបណ្តោយខ្លួនជាងមុន មិនសូវមើលថែខ្លួនឲ្យបានល្អដូចកាលពីដំបូង។ មនុស្សស្រីត្រូវចាំថា ទោះមានប្តីហើយក៏ដោយ ក៏ត្រូវតែបង្ហាញភាពលេចធ្លោនៃសម្រស់ជាចាំបាច់ ព្រោះវាក្រៅពីចំណុចទាក់ទាញចិត្តប្តី ទៀតសោតក៏ជាចំណុចលើកមុខមាត់ប្តីផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
