ញុាំឆាប់ឆ្អែត មិនឡើងគីឡូ នេះណែនាំផ្លែឈើ ៧ ប្រភេទ ល្អបំផុតសម្រាប់អ្នកចង់ស្រកទម្ងន់

2021-12-11

ជឿថាបញ្ហាលើសទម្ងន់ ឬឡើងទម្ងន់លឿន ជារឿងដែលគ្រប់គ្នាមិនចង់ជួបប្រទះនោះទេ ព្រោះវាក្រៅពីធ្វើឲ្យរាងកាយមើលទៅមិនស្អាត ទៀតសោតក៏ជះផលប៉ះពាល់ដល់សុខភាពធ្ងន់ធ្ងរផងដែរ។

បើសួរថាតើវិធីសម្រកទម្ងន់អាចធ្វើទៅបានដោយរបៀបណាខ្លះ? ចម្លើយ៖ គឺមានច្រើនមធ្យោបាយ ហើយមានវិធីខុសៗពីគ្នា។

យ៉ាងណាក្នុងអត្ថបទនេះ Knongsrok សូមនាំឲ្យអ្នករាល់គ្នាស្គាល់ពីផ្លែឈើ ៧ ប្រភេទ ដែលញាំទៅឆាប់ឆ្អែត ហើយមានជាតិកាឡូរីទាប ជាតិស្ករទាប មិនងាយឲ្យអ្នកឡើងទម្ងន់នោះឡើយ៖

៧) ស្រ្តបឺរី

1(1)

ផ្លែឈើនេះ នៅទម្ងន់ ៨៥ ក្រាម មានជាតិស្ករត្រឹម ៤,១ ក្រាម ហើយជាតិកាឡូរីតែ ២៧ កាឡូរីតែប៉ុណ្ណោះ។

៦) គីវី

2(1)

ផ្លែឈើនេះមានផ្ទុកនូវវីតាមីន C មានជាតិសរសៃខ្ពស់ ហើយមានជាតិស្ករទាប។ គីវីមួយផ្លែ មានជាតិស្ករមិនដល់ ៦ ក្រាម ហើយវាថែមទាំងជួយបំពេញជាតិប៉ូតាស្យួមដល់រាងកាយ និងជួយកាត់បន្ថយការហើមត្រង់ផ្នែកផ្សេងៗនៃរាងកាយថែមទៀត។

៥) ជម្ពូ

3(1)

នេះក៏ជាផ្លែឈើដែលមានជាតិស្ករតិចផងដែរ ហើយថែមទាំងជួយកាត់បន្ថយហានិភ័យនៃការកើតជំងឺបេះដូង។ រៀងរាល់ការទទួលទានវា ១-២ ផ្លែ វាមានផ្ទុកជាតិស្ករត្រឹម ៧-៨ ក្រាមប៉ុណ្ណោះ។

៤) ប៉ោម

ផ្លែប៉ោមពេលទទួលទាន គឺជួយឲ្យអ្នកឆាប់មានអារម្មណ៍ថាឆ្អែតលឿន ហើយវាក៏មានជាតិសរសៃរលាយបានល្អផងដែរ។ នៅក្នុងផ្លែប៉ោម ១០០ ក្រាម មានជាតិស្ករ ១០ ក្រាម និងមានត្រឹម ៥២ កាឡូរី។

៣) ត្របែក

ផ្លែត្របែក ៨៥ ក្រាមមានជាតិស្ករត្រឹម ៤,៧ ក្រាម ៤៣ កាឡូរី តែវាមានផ្ទុកនូវវីតាមីន C និងសារធាតុប្រឆាំងអុកស៊ីតកម្មខ្ពស់ ជួយពង្រឹងដល់ប្រព័ន្ធភាពសាំក្នុងរាងកាយផងដែរ។

២) បឺរ

ផ្លែបឺរ ឬយើងហៅថា អាហ្វូកាដូ គឺអាចជួយកាត់បន្ថយហានិភ័យនៃការកើតជំងឺបេះដូង អ្វីដែលល្អបំផុតនោះនៅផ្លែបឺរមួយ មានជាតិស្ករត្រឹមតែ ១ ក្រាម។

១) ភិច

ជាផ្លែឈើដែលមានជាតិវីតាមីន ជួយបំប៉នដល់ភ្នែក ហើយវាក៏មានផ្ទុកនូវកាល់ស្យូម និងប៉ូតាស្យូម ជួយថែរក្សាឆ្អឹងថែមទៀត។ ផ្លែភិច ១០០ ក្រាម មានជាតិស្ករ ៨,៣៩ ក្រាម និង ៣៩ កាឡូរី៕

ប្រភព៖ បរទេស | ប្រែសម្រួល៖ ក្នុងស្រុក