តើក្លិបណាហ៊ានក្អកក្រោយ Borussia Dortmund កំណត់តម្លៃខ្លួន Erling Haaland ១៨០លានអឺរ៉ូ?
ដូចដែលបានរាយការណ៍ដោយកាសែតកីឡា ESPN ក្លិបយក្សអាល្លឺម៉ង់ Borussia Dortmund នឹងមិនអនុញ្ញាតឱ្យ Erling Haaland ចាកចេញនោះទេ បើក្លិបមិនបានចំណូល ១៨០ លានអឺរ៉ូសម្រាប់ក្លិបណាមួយចង់ចុះកុងត្រាយកនៅរដូវក្តៅនេះ។
កុងត្រាបច្ចុប្បន្នរបស់ Erling Haaland ជាមួយក្លឹបអាឡឺម៉ង់នឹងដំណើរការរហូតដល់ឆ្នាំ ២០២៤ ហើយមានតម្លៃផ្ដាច់កុងត្រា ៧៥ លានអឺរ៉ូដែលនឹងចូលជាធរមានចាប់ពីឆ្នាំ ២០២២ តទៅ។
បិសាចក្រហមត្រូវបានគេផ្សារភ្ជាប់យ៉ាងខ្លាំងជាមួយខ្សែប្រយុទ្ធសញ្ជាតិន័រវេសរូបនេះ ហើយវាគួរឱ្យចាប់អារម្មណ៍ក្នុងការមើលថាតើក្លឹបរង់ចាំនៅឆ្នាំក្រោយ(ធ្លាក់ថ្លៃ) ឬបន្តការផ្ទេរយក Erling ក្នុងតម្លៃ១៨០លានអឺរ៉ូនេះតែម្ដង។
កីឡាករវ័យ ២០ ឆ្នាំបានស្ថិតក្នុងទម្រង់លេងដ៏ល្អបំផុតក្នុងរដូវកាលនេះដោយរកបាន ២១ គ្រាប់ក្នុងការបង្ហាញខ្លួនក្នុងក្របខ័ណ្ឌ Bundesliga ជាច្រើនប្រកួត។
វាច្បាស់ណាស់ថាតើ Erling Haaland អាចនឹងចាកចេញពីក្លិបអាល្លឺម៉ង់ ប៉ុន្តែ Barcelona, Real Madrid, Liverpool និង Manchester City ព្រមប្រថុយចំណាយលុយច្រើនដល់ថ្នាក់នេះឬទេ ពីព្រោះលុយពិតជាសំខាសន់ពេលចំណាយកំឡុងពេលកូវីដ១៩។
បិសាចក្រហមធ្លាប់បានប្រឈមមុខនឹងកំណត់តម្លៃខ្លួនជាមួយ Dortmund រួចហើយក្នុងករណី Jadon Sancho ដែលកាលនោះ Dortmund ត្រូវការ១២០ លានអឺរ៉ូកាលពីរដូវក្តៅមុនតែ Man Utd អត់ព្រមចំណាយ៕
ប្រភពៈ ESPN
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
