Man Utd នឹងប្រើប្រាស់ឥទ្ធិពលកីឡាករម្នាក់នេះអន្ទងយកPedro Neto ពី Wolves
Bruno Fernandes នឹងក្លាយជាគោលដៅរបស់ Man Utd ក្នុងការបញ្ចុះបញ្ចូល Pedro Neto ឲ្យចាកចេញពី Wolves ប្រសិនបើ Man United ចង់បានកីឡាករសញ្ជាតិព៍័រទុយហ្គាល់រូបនេះ មកលេងនៅ Old Trafford រដូវកាលក្រោយនេះបើតាមការឲ្យដឹងពី Football Insider ។
ក្លិបយក្សក្នុង Premier League មួយនេះនៅតែតាមដានខ្សែប្រយុទ្ធជំនាញជើងឆ្វេងរូបនេះ ខណៈដែលពួកគេមានគម្រោងចង់បានខ្សែប្រយុទ្ធដែលអាចលេងបានច្រើនតំណែងនៅរដូវកាលក្រោយ។ប្រភពជិតស្និទពី United បានប្រាប់វេបសាយ Football Insider ថាក្លិបជឿថាមិត្តរួមក្រុមជម្រើសជាតិព័រទុយហ្គាល់របស់ Neto ពោលគឺ Fernandes អាចជាកូនសោរសំខាន់ក្នុងការអន្ទងគាត់មកលេងនៅក្នុងក្រុមបិសាចក្រហម។
Pedro Neto បង្ហាញខ្លួនឲ្យជម្រើសជាតិព័រទុយហ្គាល់បាន២ប្រកួតហើយទើបមានវ័យ២១ឆ្នាំប៉ុណ្ណោះ តែយ៉ាងណា! ធ្លាប់លេងក្នុងជម្រើសជាតិតែមួយ និយាយភាសាដូចគ្នា វប្បធម៌ដូចគ្នា ហើយជាកីឡាបាល់ទាត់ដូចគ្នាទៀតនោះ អ្វីទាំងនេះគឺជាផលចំណេញដែល Man Utd ចង់ឲ្យ Bruno ទាក់ទាញយក Neto។
Neto ស្នាក់នៅក្នុងប្រទេសអង់គ្លេសបាន១៦ខែមកហើយ បន្ទាប់ពីចាកចេញពីក្លិប Lazio ក្នុងខែសីហាឆ្នាំ២០១៩ក្នុងតម្លៃ១៦លានផោន៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
