Mason Mount: Tuchel ស្នើឲ្យខ្ញុំលេង៥តំណែងក្នុងមួយប្រកួត
ខ្សែបម្រើក្លិបតោខៀវ Chelsea កីឡាករ Mason Mount បានទទូចថាគាត់ទទួលបានការងារធំមួយក្នុងក្រុមដោយធ្វើជាកីឡាករសំខាន់តាមការចង់បានពីគ្រូបង្វឹកលោក Thomas Tuchel ។
ដំបូងឡើយ! អ្នកគាំទ្រក្នុង English Premier League (EPL) រំពឹងថា Mason Mount នឹងលែងជាជំរើសទី ១ ទៀតហើយ បន្ទាប់ពីលោក Frank Lampard ត្រូវបានក្លិបដកតំណែង ប៉ុន្តែការប៉ាន់ស្មាននោះបែរជាខុសទៅវិញ ស្របពេលដែលលោក Tuchel បន្តចាប់អារម្មណ៍យ៉ាងខ្លាំងចំពោះកីឡាករវ័យ ២២ ឆ្នាំរូបនេះដដែល។
រូបគេតែងតែជាប់ជម្រើស១១នាក់ដំបូងរបស់លោក Tochel ហើយការប្រកួតមួយចំនួនដើរតួជាប្រធានក្រុមទៀតផង។ ទោះជាយ៉ាងណាក៏ដោយ Mount មិនបានចាប់អារម្មណ៍ខ្លាំង ចំពោះបញ្ហានេះទេ ហើយថែមទាំងបានកោតសរសើរ Tuchel ចំពោះអ្វីដែលគាត់បានធ្វើដើម្បីជួយពន្លឿនការអភិវឌ្ឍរបស់គាត់លើវិស័យនេះ។
“ វាដូចជា“ជួបរឿងពិបាកបន្តិច” ក្នុងរយៈពេលប៉ុន្មានខែចុងក្រោយនេះ ប៉ុន្តែវាជាបទពិសោធន៍ដ៏មានតម្លៃសម្រាប់ខ្ញុំ។ ខ្ញុំបានរៀនសូត្រច្រើនបន្ទាប់ពីបានទទួលតួនាទីជាប្រធានក្រុម។ ”
“ ខ្ញុំបានលេង៥តំណែងនៅក្នុងមួយប្រកួត! មិនមែនត្រឹម២ ឬ៣តំណែងនោះទេ ខ្ញុំបានផ្លាស់ប្តូរវាពីរ ទៅបីដង ប៉ុន្តែវាជាបទពិសោធន៍ល្អសម្រាប់ខ្ញុំដើម្បីរៀន”។
Mount បាននិយាយថា៖ "ខ្ញុំមានសមត្ថភាពផ្លាស់ប្តូរទម្រង់លេងបាន ហើយអាចផ្លាស់ប្តូរតួនាទីលេងទៀតផង។ នោះគឺជាអ្វីដែលចាំបាច់នៅក្នុងវិស័យបាល់ទាត់ទំនើបនៅពេលនេះ"។
បន្ទាប់ពីលេងបានចំនួន ៣៩ ប្រកួតនៅក្នុងការប្រកួតទាំងអស់នៅរដូវកាលនេះ Mason Mount បានរកគ្រាប់បាល់បាន៦ គ្រាប់និងបង្កើតឱកាសឲ្យមិត្តរួមក្រុម៦លើកហើយពេលនេះ រូបគេក្លាយជាសសរស្តម្ភមួយដ៏សំខាន់សម្រាប់ក្រុមតោខៀវ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
