ដោះដូរកីឡាករ៖ Man Utd ចង់បានខ្សែប្រយុទ្ធម្នាក់ស៊ុតបញ្ចូលទី២៧គ្រាប់ក្នុងរដូវកាលនេះតម្លៃតែ២០លានអឺរ៉ូ
ខ្សែប្រយុទ្ធជម្រើសជាតិហ្សំបៀរូបនេះមានតម្លៃប្រហាក់ប្រហែលតែ២០លានអឺរ៉ូប៉ុណ្ណោះហើយគេបញ្ជាក់ថា Man Utd និងក្លិបក្នុង Premier League ៤ផ្សងទៀតកំពុងប្រជែងគ្នាចង់បានដែរ។
កាសែតមានប្រភពមកពីប្រទេសអូទ្រីស Salzburger Nachrichten បានបញ្ជាក់ថា Arsenal, Liverpool និង Man Cityក៏ចាប់អារម្មណ៍ចង់បានខ្សែប្រយុទ្ធ Patson Daka របស់ក្លិប RB Salzburg នេះដែរ។ ខ្សែប្រយុទ្ធវ័យ២២ឆ្នាំរូបនេះស៊ុតបញ្ចូលទីបាន២៧គ្រាប់ក្នុង៣១ប្រកួតគ្រប់កម្មវិធីឲ្យក្លិប RB Salzburgហើយរូបគេមានតម្លៃត្រឹមតែ២០លានអឺរ៉ូប៉ុណ្ណោះ។
ពិតណាស់! ក្លិបមួយនេះគឺជាអតីតទ្រនំមួយដែលជួយឲ្ យErling Haaland អភិវឌ្ឍន៍ខ្លួនក្លាយជាខ្សែប្រយុទ្ធលំដាប់ពិភពលោកហើយកីឡាករម្នាក់នេះក៏ស្ថិតក្នុងបញ្ជីគោលដៅរបស់ Man Utd នៅរដូវក្ដៅនេះដែរ។ ទោះបីជាយ៉ាងនេះក្ដី! ការប្រកួតប្រជែងដ៏ធំជាមួយក្លិបនានាបូករួមជាមួយតម្លៃកំណត់ផងនោះធ្វើឱកាសឲ្យរបស់បិសាចក្រហមកាន់តែតិចទៅៗ ដែលជាជាមូលហេតុឲ្យ Man Utd ស្វែងរកអ្នកជំនួស៕
Source: Salzburger Nachrichten
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
