បិសាចក្រហមត្រៀមបោះបង់ចោល Martial ក្រោយអស់ការអត់ធ្មត់ដោយសារធ្លាក់ជើងខ្លាំងពេក
និយាយក្នុងកម្មវិធីវិភាគកីឡា The TouchlineTalk តាមយូធូប អ្នកកាសែត Dean Jones មានព័ត៌មានខ្លះៗអំពីអនាគតរបស់តារាឆ្នើម Anthony Martial របស់ក្រុមបិសាចក្រហម។
រដូវកាលមុន Anthony Martial បានក្លាយជាកីឡាកររកបានគ្រាប់បាល់ច្រើនជាងគេបំផុតរបស់ក្លិប ។ រដូវកាលនេះ Man Utd បានសន្យានឹងធ្វើរឿងមួយចំនួនដល់ Anthony បើរក្សាទម្រង់លេងបានល្អឬក៏ស៊ុតបញ្ចូលបានច្រើន តែទម្រង់លេងរបស់កីឡាករបារាំងក្នុងរដូវនេះខុសប្លែកពីរដូវកាល១៨០ដឺក្រ។
រហូតមកដល់ពេលនេះ គាត់បង្ហាញខ្លួនបាន ៣៥ ប្រកួតក្នុងរដូវកាលនេះដោយរកបាន ៧ គ្រាប់និង Assist ៨ ដង។ ស្ថិតិនេះមានន័យថាក្នុងនាមជាខ្សែប្រយុទ្អលេខ៩នៅក្លិបធំបំផុតមួយក្នុងពិភពលោក រូបគេមានអត្រាកម្រិតទាបបំផុតជាខ្សែប្រយុទ្ធលំដាប់កំពូល។
កីឡាករវ័យ ២៥ ឆ្នាំរូបនេះចាកចេញពី AS Monaco ក្នុងឆ្នាំ ២០១៥ ហើយទទួលបានការចាប់អារម្មណ៍យ៉ាងខ្លាំង ក្រោមការដឹកនាំរបស់លោក Louis van Gaal ។ នៅពេលដែលលោក Jose Mourinho មកកាន់តំណែងគាត់គ្រាន់តែជាបៀសន្លឹកធីប ហើយស្ថិតក្រោមការគ្រប់គ្រងរបស់លោក Ole Gunnar Solskjaer រូបគេប្រៀមបានជាកូនធម៌ ពីព្រោះគ្រូបង្វឹកសញ្ជាតិន័រវេសតែងតែផ្ដល់ឱកាសជាច្រើនបានលេងក្នុងឈុត១១នាក់តែរូបគេហាក់ធ្វើមិនបានល្អ។
៦ ឆ្នាំមកហើយ គាត់មិនបានឈានដល់កម្រិតដែលក្លិបរំពឹងទុកទេ។ ក្លិបហាក់ដូចជាអស់ការអត់ធ្មត់ ហើយក្លិបអាចចែកផ្លូវគ្នាជាមួយគាត់ប្រសិនបើមានសំណើណាមួយដែលក្លិបដទៃទៀតដាក់មកក្នុងតម្លៃសក្តិសម។ លោក Dean Jones និយាយក្នុងកម្មវិធីខាងលើថា៖"ខ្ញុំគិតថាពួកគេពិតជាកំពុងពិចារណាលក់គាត់ ប្រសិនបើមានសំណើល្អ"។
អ្នកកាសែតរូបនេះបន្តថា៖៖ ការមិនអាចកែប្រែឱកាសធំៗក្នុងការប្រកួតដែលគាត់ចូលលេង និងការខ្វះខាតការបញ្ចប់ទីដ៏មានប្រសិទ្ធិភាពធ្វើឲ្យ Man Utd ហ៊ានលះបងគាត់ចោលមួយនិងសុខចិត្តស្វែងរកអ្នកដទៃមកជំនួស។ សមត្ថភាពបញ្ចប់ទីរបស់គាត់បើប្រៀបធៀបជាមួយកីឡាំករដែលពូកែមួយចំនួនដូចជា Erling Haaland ឬ Harry Kane គឺនៅឆ្ងាយណាស់។
នៅមានឱកាសមួយចំនួនដេលគាត់អាចបង្ហាញអំពីភាពល្អរបស់គាត់ដូជជាការប្រកួតក្នុង Premier League ដែលនៅសល់ ការប្រកួតក្នុងពាន FA Cup, UEFA Europa League ហើយបើគាត់អាចកែប្រែការប្រកួតក្នុងពានរង្វាន់ទាំងបានល្អនោះ ឱកាសនៅបន្តគឺក្លិបនឹងពិចារណាជាថ្មី។
តាមរយៈវេបសាយ (h/t Transfermarkt) Martial បានបង្ហាញខ្លួន ២៥៧ លើកសម្រាប់ក្រុមបិសាចក្រហមដោយស៊ុតបញ្ចូលទីបាន ៧៨ គ្រាប់និងបញ្ជូនបាល់បាន៤៩លើក៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
