Man Utd ត្រៀមខ្ជាក់លុយ៥០លានផោនក្រោយសម្លឹងឃើញ Pedro Neto របស់ Wolves
ក្រុមបិសាចក្រហម MANCHESTER UNITED គ្រោងចំណាយលុយដល់ទៅ៥០លានផោនដេញថ្លៃយកខ្សែប្រយុទ្ធស្លាប Pedro Neto របស់ក្លិប Wolves ក្នុងរដូវកាលនេះ។
Man Utd ត្រូវការខ្សែប្រយុទ្ធស្លាបស្ដាំម្នាក់ជាអទិភាពសម្រាប់រដូវកាលក្រោយហើយពួកគេបានមើលឃើញ Neto ជាជម្រើសមួយសក្ដិសមត្បិតតែលេងជាមួយ Wolves មិនសូវបានល្អហើយពេលនេះកីឡាំករសញ្ជាតិព័រទុយហ្គាល់ស្ថិតក្នុងបញ្ជីទិញចូលបាត់ទៅហើយ។
Man Utdខិតជិតនឹងចុះកុងត្រាយក Neto វ័យ២១ឆ្នាំបាត់ទៅហើយកាលពីឆ្នាំ២០១៦ ដែលពេលនោះរូបគេមកតេស្តិ៍នៅទីលានហ្វឹកហាត់ Carrington បន្ទាប់ពីចាកចេញពីក្លិប Braga ប៉ុន្តែពេលនោះរូបគេមិនមានសមត្ថភាពគ្រប់គ្រាន់ឲ្យបិសាចក្រហមទិញនោះទេ។
ប៉ុន្តែពេលនេះក្រុមបិសាចក្រហមត្រូវបានគេយល់ថា ចាត់ទុកកីឡាករអន្តរជាតិព័រទុយហ្កាល់រូបនេះ ជាជម្រើសពិតប្រាកដមួយសម្រាប់គោលដៅរយៈពេលវែងដូចជា Jadon Sancho និង Jack Grealish ។Wolves ទិញ Neto ពីក្លិប Lazio ក្នុងតម្លៃ១៦លានផោន។ Manchester City ក៏មានទំនាក់ទំនងជាមួយការចង់បានកីឡាករវ័យ២១ឆ្នាំរូបនេះដែរ ប៉ុន្តែប្រភពបានបញ្ជាក់ថា ពួកគេពេលនេះគឺសម្លឹងឃើញ Man Utd នៅជួរមុខគេ បន្ទាប់ពី City បង្វែរគោលដៅទៅរក Grealish របស់ Ston Villa៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
