គម្រោងទិញភាគហ៊ុនក្លិប Valencia របស់ព្រះអង្គម្ចាស់រដ្ឋ Johor ត្រូវពន្យារពេល
ម្ចាស់ក្លិបយក្សម៉ាឡេស៊ី Johor Darul Ta'zim (JDT), ឧត្តមសេនីយ៍និងជាព្រះម្ចាស់ Tunku Ismail Sultan Ibrahim បានបង្ហាញបំណងប្រាថ្នាមួយចំនួនលើការគ្រប់គ្រងផ្នែកខ្លះនៃក្លិប Valencia ដែលកំពុងលេងនៅក្របខ័ណ្ឌ La Liga ។
ផុសក្នុង Story ក្នុងគណនី Instagram របស់គាត់ TMJ បានបញ្ជាក់ថាការពិភាក្សាត្រូវបានធ្វើឡើងជាមួយម្ចាស់ក្លឹបគឺលោក Peter Lim ដើម្បីឱ្យគាត់កាន់កាប់ភាគហ៊ុនមួយចំនួននៅក្នុងក្លឹប។ ទោះយ៉ាងណាក៏ដោយ! ដោយសារកត្តាជាច្រើនដែលត្រូវដោះស្រាយជាមុនសិននោះ បំណងប្រាថ្នារបស់ Tunku Ismail ត្រូវផ្អាកជាបណ្តោះអាសន្នសិន។
Tunku Ismail បានបង្ហាញពីការចង់កាន់កាប់ក្លិប Valencia កាលពីដើមខែនេះ ដោយមានបំណងស្ដារភាពខ្លាំងនិងកិត្តិយសក្លិបឡើងវិញ ជាមួយឱកាសនៃការទិញយកតែម្ដង។ តែយ៉ាងណា! ថ្មីៗនេះប្រធានក្លិប Valencia លោក Anil Murthy បាននិយាយថាម្ចាស់ក្លឹបលោក Peter Lim មិនមានគម្រោងលក់ក្រុមនេះទេ បើទោះបីជាមានការចាប់អារម្មណ៍ពីម្ចាស់ក្លិប JDT ក៏ដោយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
