OFFICIAL: AFC ផ្ដល់សិទ្ធិពិសេសដល់ Pohang Steelers និង Ratchaburi FC លេងវគ្គជម្រុះក្នុងពូល Champions League
សហព័ន្ធកីឡាបាល់ទាត់ទ្វីបអាស៊ី (AFC)បានប្រកាសថាក្លិបតំណាងមកកូរ៉េខាងត្បូង Pohang Steelers និងក្លិប Ratchaburi Mitr Phol F.C. តំណាងមកពីប្រទេសថៃ នឹងចូលរួមលេងក្នុងពានរង្វាន់ AFC Champions League 2021 វគ្គជម្រុះក្នុងពូល G តែម្ដង ខណៈដែលការប្រកួតចាប់ផ្ដើមនៅខែមិថុនាដល់កក្កដាឆ្នាំ២០២១បន្ទាប់ពីការប្រកួតវគ្គជម្រុះ World Cup ជុំទី២តំបន់អាស៊ី។
មូលហេតុនៃការបានលេងក្នុងវគ្គជម្រុះនេះគឺមកពីក្លិបជើងឯកលីគកំពូលចិន២០២០ Jiangsu FC ដែលជាក្រុមលេខមួយក្នុងពូល G(G1) ត្រូវរំសាយ អ៊ីចឹងហើយ នៅសល់តែក្រុម Nagoya Grampus ឈរក្នុង G2 (ជប៉ុន) និង JDT (ម៉ាឡេស៊ី)ឈរក្នុង G3 ។
ដំបូងឡើយពូល G គឺ Jiangsu FC, Nagoya Grampus, Johor Darul Tazim និងក្រុមលេងវគ្គជម្រុះ Play-off រវាង Pohang Steillers និង Ratchaburi Mitr FC។
សម្រាប់ពូលGថ្មីគឺ Pohang Steillers, Nagoya Grampus, Johor Darul Tazim, និង Ratchaburi Mitr FC (ម្ចាស់ផ្ទះ)។ AFC និង AFF សម្រេចមិនឲ្យក្រុមទាំងពីរ (Pohang Steillers និង Ratchaburi Mitr FC )លេងវគ្គជម្រុះ Play-off ទេគឺដាក់ឲ្យលេងវគ្គជម្រុះក្នុងពូលតែម្ដងទៅ។
ដូច្នេះមានន័យថាឆ្នាំ២០២១នេះក្លិបមានក្លិប៣របស់ថៃលេងក្នុងវគ្គជម្រុះតាមពូលគឺ BG Pathum United, Port FC, និង Ratchaburi Mitrpol FC ខណៈដែលក្រុម Singha Chiangrai United លេងវគ្គ Play-off ដដែល។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
