Paul Parker ប្រាប់ថាកីឡាករ២រូបនេះគួរតែដាក់ឲ្យអង្គុយកៅអីបម្រុងដើម្បីទុកឱកាសឲ្យ Van de Beek
អតីតខ្សែបម្រើក្រុមបិសាចក្រហម Manchester United លោក Paul Parker បានបង្ហាញថាលោកមិនចូលចិត្តអតីតក្រុមរបស់លោកជាមួយនិងការប្រើប្រាស់ Fred និង McTominay ក្នុងតំបន់បម្រើការពារច្រើនពេកនោះទេ។ លោកជឿថាយ៉ាហោចណាស់ ក្នុងចំណោមពួកគេទាំងពីរគួរតែអង្គុយកៅអីបម្រុងដើម្បីទុកឱកាសឲ្យ Van de Beek ដែលអាចជួយឲ្យល្បឿនក្នុងតំបន់ប្រយុទ្ធកាន់តែមុតស្រួច។
សរសេរក្នុងអត្ថបទរបស់លោកក្នុងកាសែត Eurosport អំពីការខ្វះខាតឱកាសលេងរបស់ Donny van de Beek នៅ Man Utd, Paul Parker បានសរសេរថា៖« ហេតុអ្វីបានជា United តែងតែលេងជាមួយខ្សែបម្រើពីរនាក់ដែលអាចបំបែកតែការប្រកួតមួយៗដូចជា Fred និង Scott McTominay?»
«ពិតណាស់! ម្នាក់ក្នុងចំណោមពួកគេ អាចទុកសំរាប់កីឡាករដែលនៅក្រៅទីលានដូចជា Van de Beek។ គាត់មានភាពធុញទ្រាន់ក្នុងការពិនិត្យលើស្ថានភាពនៃការលេងរបស់ក្រុម ។គាត់( Beek)ជាកីឡាករចូលទៅក្នុងប្រអប់គ្រោះថ្នាក់ហើយគាត់មានល្បឿនលឿន។កុំប្រាប់ខ្ញុំថាគាត់មិនមែនជាកីឡាករដែលអ្នកមិនចង់បាននៅក្នុងក្រុមរបស់អ្នកទេ"។
“ ក្នុងឱកាស ៣ ដងដែលខ្ញុំបានឃើញ គាត់លេងឲ្យ Ajax ហើយខ្ញុំចាប់អារម្មណ៍មែនទែន។ ដូច្នេះវាគួរឱ្យខកចិត្តដែលគាត់មិនត្រូវបានផ្តល់ឱ្យនូវឱកាស។ "
Van de Beek បានត្រលប់មកហ្វឹកហាត់នៅក្រុមបិសាចក្រហម បន្ទាប់ពីរងរបួសមួយរយៈ ហើយអាចជាកីឡាករត្រូវជ្រើសរើសប្រកួតជាមួយក្រុម AC Milan នៅថ្ងៃព្រហស្បតិ៍នេះ។ កីឡាករសញ្ជាតិហុលឡង់រូបនេះទើបតែចូលលេងក្នុងជម្រើស១១នាក់ក្នុង Premier League ចំនួន ២ លើកគត់ សម្រាប់ក្រុមបិសាចក្រហមនៅរដូវកាលនេះ ហើយនឹងសង្ឃឹមថាអាចមានឥទ្ធិពលលេចធ្លោជាងមុន ដើម្បីរកពេលវេលាលេងបានកាន់តែច្រើនឆ្ពោះទៅរកការបញ្ចប់រដូវកាលនេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
