Ole Gunnar Solskjaer: ទោះបីឈ្នះពានក៏យើងមិនអាចនិយាយថា Man Utd ត្រឡប់មកវិញបានដែរ
លោក Ole និយាយថាពេលខ្លះពានរង្វាន់គឺជារឿងដ៏សំខាន់សម្រាប់អ្នកគ្រប់គ្រង និងក្លឹប។ លោកបន្ថែមថាការរីកចម្រើននៅក្នុងលីគគឺជាវិធីដែលបញ្ជាក់ថាក្រុមរីកលូតលាស់ពិតប្រាកដ។
ក្នុងសន្និសីទកាសែតមុនការប្រកួតជើងទី២ក្នុងពាន Europa League ជាមួយ AC Milan យប់នេះលោក Ole Gunnar Solskjaer បាននិយាយថា៖" ពេលដែលអ្នកមើលអំពីវប្បធម៌នៅទីនេះ( Manchester United) ខ្ញុំឃើញថាការតំណើរការរៀងរាល់ថ្ងៃ"។
"យើងចង់សំដៅទៅលើការឈ្នះពានរង្វាន់នៅក្លឹបនេះ ប៉ុន្តែពេលខ្លះពានរង្វាន់អាចលាក់អ្វីៗផ្សេងទៀតដែលកំពុងកើតឡើងនៅក្នុងក្លឹប។ ក្នុងចំណាត់ថ្នាក់លីគដែលអ្នកបានឃើញថាតើវាពិតជាដំណើរការឬអត់? ពិតណាស់! ពានអាចធ្វើឲ្យអ្នកមានសំណាងល្អឬក៏សំណាងអាក្រក់បាន។ពិតណាស់យើងមានគោលបំណងដើម្បីឈ្នះ នោះហើយគឺជាមូលហេតុដែលអ្នកលេងបាល់ទាត់"។
អ្នកចាត់ការរូបនេះបានបន្តទៀតថា៖“ ខ្ញុំមានអារម្មណ៍ថាការសាងសង់ក្រុមឡើងវិញបាននឹងកំពុងតែធ្វើ។ លីគប្រៀបបាននឹងនំប៉័ងជាមួយប៊ឺរ ហើយ ពេលនោះជាពេលដែលអ្នកឃើញថាអ្នកមានសមត្ថភាពប៉ុណ្ណា"។
"ពេលខ្លះពានរង្វាន់គឺជារឿងសំខាន់សម្រាប់អ្នកគ្រប់គ្រង និងក្លិប។ យើងឈ្នះពានមិនមែនមានន័យថាយើងត្រឡប់មកវិញនោះទេ វាជាការរិគចម្រើនសន្សឹមៗដើម្បីឡើងទៅឈរកំពូលតារាងនៃលីគ"។
ក្រុមបិសាចក្រហមបានបាត់បង់ការប្រជែងដណ្តើមពាន Premier League ជាមួយក្រុម Manchester City ខណៈដែលក្រុមជិតខាងមួយនជមាន ១៤ ពិន្ទុដាច់គេនៅលើកំពូលតារាង។ ទោះយ៉ាងណា Europa League គឺជាឱកាសដ៏ល្អសម្រាប់បិសាចក្រហម ដើម្បីបញ្ចប់រដូវកាលដោយមានពានរង្វាន់មួយនឹងគេដែរ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
