Luka Modric ថា៖«អាយុ៣៥ឆ្នាំមែនពិតតែមានអារម្មណ៍ដូចវ័យ២៧ឆ្នាំហើយនៅតែឃ្លានលេងបាល់»
Modric បានបញ្ជាក់ថាគាត់នៅតែមានអារម្មណ៍ថាគាត់អាចបង្ហាញទម្រង់លេងក្នុងកម្រិតខ្ពស់បំផុតត្បិតតែគាត់មានវ័យជ្រេហើយក៏ដោយ។ គាត់និយាយថា កីឡាករ Real Madrid ទាំងអស់ចង់រក្សាភាពចង់ឈ្នះទាំងនេះហើយធ្វើដំណើរក្នុងពានរង្វាន់ Champions League កាន់តែឆ្ងាយតាមតែអាចធ្វើទៅបាន។
« ខ្ញុំមានវ័យ៣៥ឆ្នាំហើយ ប៉ុន្តែខ្ញុំមានអារម្មណ៍ថាដូចវ័យ២៧ឆ្នាំអីចឹង។ ខ្ញុំមានអារម្មណ៍អស្ចារ្យណាស់។ អ្នកមិនគួរមើលតែកម្រិតអាយុតែមួយជ្រុងនោះទេ វាអាស្រ័យលើការដែលយើងអាចបង្ហាញទម្រង់លេងបានល្អលើទីលាន។ បើគិតទៅលើអាយុវាជ្រេបន្តិចមែនតែខ្ញុំនៅតែឃ្លានលេងច្រើនទៀត បន្តការលេងក្នុងកម្រិតខ្ពស់ហើយខ្ញុំមានអារម្មណ៍អស្ចារ្យណាស់»។
“Atalanta ដាក់សម្ពាធយើងខ្លាំងណាស់ គ្រប់កន្លែងលើទីលាន ហើយពួកគេមិនបញ្ឈប់ការដាក់សម្ពាធនេះទេ។ ការដាក់សម្ពាធរបស់ពួកគេធ្វើឲ្យរក្សាទំនុកចិត្តបន្តទៅមុខទៀត។ វាពិតជាសំខាន់ដែលយើងទៅវគ្គ៨ក្រុមចុងក្រោយ ។ ក្រុមចង់រក្សាការឈ្នះនេះហើយយើងនឹងបានឃើញថាយើងទៅបានឆ្ងាយប៉ុណ្ណា"។
ក្នុងការប្រកួតយប់មិញ! ខ្សែបម្រើជម្រើសជាតិក្រូអាតលេងបានល្អមែនទែនដោយរត់ពេញទីលានហើយបានបញ្ជូនបាល់ឲ្យ Karim Benzema បើកការនាំមុខមួយគ្រាប់មុន មុនពេលបញ្ចប់ការប្រកួត Real Madrid ឈ្នះក្នុងលទ្ធផល៣ទល់១៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
