លុយជារបស់ក្រៅខ្លួន សំខាន់ឲ្យតែបុរសមាន ៣ ចំណុចនេះ ភាគច្រើនស្រីៗស្រលាញ់ដកចិត្តមិនរួច
បុរសដែលស្រលាញ់នារីណាម្នាក់ពិតប្រាកដ គឺមិនសំដៅលើការចាយវាយតិចច្រើនទៅលើនាងនោះទេ ផ្ទុយទៅវិញគឺសំខាន់លើអត្តចរិត និងទង្វើដែលធ្វើទៅលើនាង។ ៣ ចំណុចធំ មានដូចជាការទុកចិត្តនិងឲ្យតម្លៃ ការអត់ធ្មត់ ការលើកទឹកចិត្ត គឺជាអ្វីដែលនារីភាគច្រើនត្រូវការលើសពីលុយដែលបុរសនោះមាន។
១) ការទុកចិត្តនិងឲ្យតម្លៃ
តើបុរសដែលអ្នកស្រលាញ់ គេទុកចិត្ត គេឲ្យតម្លៃអ្នកប៉ុន្មានភាគរយ? ជាសំណួរដែលអ្នកគួរសួរខ្លួនឯង ដោយមិនពាក់ព័ន្ធនឹងកត្តានៃការចាយវាយនោះទេ។ បុរសខ្លះទៅមានលុយទាំងបាច់ឲ្យទៅមនុស្សស្រី តែមិនយល់ពីអ្វីដែលជាតម្លៃរបស់ស្រ្តី ជួនខ្លះទាំងការនិយាយស្តី និងទង្វើ គឺពុំបានគោរពដល់នាងទាល់តែសោះ។ មួយផ្សេងទៀតគឺការជឿជាក់សំខាន់បំផុត ព្រោះបើបុរសនោះចេះតែសង្ស័យនេះ សង្ស័យនោះ រហូតពេលខ្លះគិតតែម្នាក់ឯងធ្វើឲ្យទំនាក់ទំនងកើតចេញជាភាពហ្មងសៅ។
២) ការអត់ធ្មត់
ជាធម្មជាតិរបស់មនុស្សស្រីភាគច្រើន ដែលគេនិយាយថា សំដីលឿនជាងចិត្ត ពេលខ្លះខឹងក៏ស្រែក ខឹងក៏និយាយមិនសូវបានគិត តែធាតុពិតក្នុងចិត្តរបស់ពួកនាងពុំមែនដូច្នោះទេ។ ជាមនុស្សប្រុស ប្រសិនអ្នកមានការអត់ធ្មត់ខ្ពស់ អាចទ្រាំស្តាប់និងមិនដើរចោលមនុស្សស្រីដែលអ្នកស្រលាញ់នៅពេលពួកគេខឹង នោះគឺជាចំណុចខ្លាំងមួយហើយ ដែលនារីទូទៅមិនគួរមើលរំលងពួកគេឡើយ។
៣) ការលើកទឹកចិត្ត
មិនថាតែការបំពេញកិច្ចការងារអ្វីមួយនោះទេ បុរសដែលស្រលាញ់អ្នកពិតប្រាកដ គេមិនរុញរានឹងលើកទឹកចិត្តឲ្យអ្នកឈានដល់ចំណុចដ៏ខ្ពស់មួយឡើយ កុំថាចំណុចនោះខ្ពស់ជាងគេក៏ដោយ។ ផ្ទុយទៅវិញបុរសខ្លះពេលឃើញនារីដែលខ្លួនស្រលាញ់អាចមានលទ្ធភាពរកប្រាក់ចំណូលបានច្រើនជាង ក៏ចាប់មានការអន់ចិត្ត ហើយបែរជាគិតផ្សេង រហូតពេលខ្លះឈានដល់ការដើរចេញពីជីវិតនាងទៀតផង៕
ព័ត៌មានថ្មីៗ
