ឆ្នាំ ១៩៦៧ កើតមិនទាន់ទេមែនទេ? បើចង់សាកកាហ្វេឆ្នាំ ៦៧ និងទិដ្ឋភាពសម័យនោះ អាចមកសាកហាងកាហ្វេស្នាដៃកូនខ្មែរនេះបានធានាជាប់ចិត្ត
កាហ្វេ គឺជាភេសជ្ជៈ ដែលជាចំណូលចិត្តរបស់ប្រជាជនកម្ពុជា ជាយូរឆ្នាំណាស់មកហើយ តែគ្រាន់តែសម័យមុន ហាងកាហ្វេ ឬតូបកាហ្វេនិយមតែចាស់ៗ និងអ្នកដែលមានវ័យកណ្តាលតែប៉ុណ្ណោះ។ តែសព្វថ្ងៃនេះហាងកាហ្វេមានច្រេីនស្កេកស្កេះ ហេីយក្លាយជាភេសជ្ជៈដ៏ពេញនិយមខ្លាំងផងដែរសម្រាប់យុវវ័យ។
ដោយឡែក ថ្ងៃនេះ « ក្នុងស្រុក » សូមណែនាំហាងកាហ្វេមួយ ដែលជាហាងកាហ្វេប្រេនស្នាដៃយុវជនកូនខ្មែរមួយកន្លែង រំលេចនូវអតីតកាលក្នុងឆ្នាំ ១៩៦៧ ជាមួយនឹងការតុបតែងរៀបចំហាងឱ្យត្រូវស័ក្តសមក្នុងសម័យនោះផង ឯរសជាតិកាហ្វេក៏ឆ្ងាញ់ពិសេស នោះគឺ « ហាងកាហ្វេ ១៩៦៧ » ។
« ហាងកាហ្វេ ១៩៦៧ » ត្រូវបានគេដឹងថា ដំបូងឡើយគឺគ្រាន់តែជាតូបកាហ្វេតូចមួយនៅតាមផ្លូវប៉ុណ្ណោះ តែហាងកាហ្វេនេះប្រើពេលត្រឹមតែ ៦ខែ សោះ បានវិវឌ្ឍន៍ប្រេនរបស់ខ្លួន បង្កើតជាហាងមួយពេញលក្ខណៈ ដោយការកែប្រែហាងនេះ មានការរៀបចំទាំងសំភារៈ ឥដ្ឋការ៉ូ និងគ្រឿងតុបតែង ដូចកាលពីសម័យមុនបេះបិទ គ្រាន់តែចូលកាន់ហាងនេះភ្លាមហាក់ដូចស្ថិតនៅក្នុងសម័យឆ្នាំ ១៩៦៧ យ៉ាងអ៊ីចឹង។ ហើយសូម្បីតែភេសជ្ជៈសុទ្ធតែមានរសជាតិឆ្ងាញ់ ឯគ្រឿងផ្សំធ្វើពីធម្មជាតិពិតៗ មិនលាយជាតិគីមីដែលប៉ះពាល់ដល់សុខភាពឡើយ ពោលគឺជាហាងដែលមានភេសជ្ជៈជាប់ចិត្ត និងបរិយាកាសរីករាយដែលអាចជួបជុំមិត្តភក្តិ ជជែកគ្នាលេង ធ្វើកិច្ចការសាលា អានសៀវភៅ និងលេងចត្រង្តផងដែរ។
អ្វីដែលសំខាន់ហាងកាហ្វេនេះ បានប្រើផ្លាកសញ្ញាហាង គឺជាគំនូរគូរដោយដៃ ដូចកាលពីសម័យដើម ឯការរៀបចំហាងរបៀបខ្មែរ ហើយសំភារៈប្រើប្រាស់ភាគច្រើនគឺគិតគូរដល់បរិស្ថានដូចជា ប្រើខ្សែដៃយួរកែវកាហ្វេធ្វើពីចំណងកំប្លោកក្នុងន័យកាត់បន្ថយកាកសំណល់ប្លាស្ទិក និងការបញ្ចុះតម្លៃជាពិសេសចំពោះអតិថិជនដែលប្រើប្រាស់បំពង់ ឬដបទឹកផ្ទាល់ខ្លួនមកដាក់ភេសជ្ជៈជំនួសការប្រើប្រាស់កែវទឹកប្លាស្ទិកធម្មតាជាដើម។
គួរឱ្យដឹងផងដែរថា « ហាងកាហ្វេ ១៩៦៧ » ស្ថិតនៅផ្ទះលេខ ៩១ ផ្លូវ ១៣៤ នៅតាមបណ្តោយផ្លូវច្រកចូលផ្សារឌុយម៉ិច ក្នុងសង្កាត់មនោរម្យ ខណ្ឌ៧មករា សម្រាប់ព័ត៌មានបន្ថែមសូមទំនាក់ទំនងតាមរយៈលេខទូរស័ព្ទ 099 374 444 ៕
អត្ថបទ៖ ក្នុងស្រុក
ប្រភពរូបភាព៖ Café 1967/ Vivian Chen
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
