កុំចេះតែហ៊ាន! នេះជាអត្ថបទដែលប្រុសៗត្រូវតែអាន មុនចង់បំផ្លាញអនាគតនារីល្អៗណាម្នាក់
សូមមនុស្សប្រុសទាំងអស់ អានអត្ថបទអប់រំនេះ ដោយយកចិត្តទុកដាក់ ហើយព្យាយាមយល់ និងពិចារណាឱ្យច្បាស់ មុននឹងអ្នកសម្រេចចិត្តថា ចង់លួងលោម និងចង់បំផ្លាញអនាគតនារីណាម្នាក់ ៖
១. មុនពេលដែលអ្នកថើបនាង អ្នកត្រូវប្រាកដថា នេះជាស្នេហា និងជាអារម្មណ៍ស្មោះពិតប្រាកដរបស់អ្នក ដែលមានចំពោះនាង មិនមែនជារឿងលេងសេីច ឬយកនាងត្រឹមជាការលេងសេីច ។
២. មុនពេលដែលអ្នកហារមាត់ សន្យាចំពោះនាង អ្នកត្រូវតែប្រាកដចិត្តថា អ្នកអាចធ្វេីវាបានដោយពិតប្រាកដ ដែលមិនមែនជាការសន្យាចោលឱ្យរួចពីមាត់នោះឡេីយ។
៣. មុនពេលដែលអ្នកសម្រេចចិត្ត ចង់ដោះអាវរបស់នាងចេញ អ្នកត្រូវប្រាកដថាអ្នកត្រៀមខ្លួនរួចរាល់ ប្រឈមមុខនឹងរាល់ផលវិបាកទាំងអស់ដែលប្រុងនឹងកេីតឡេីង ។
៤. មុនពេលដែលអ្នក ប្រុងប្រឡេះ ដោះអាវទ្រនាប់របស់នាង អ្នកត្រូវប្រាកដថា អ្នកបានត្រៀមខ្លួនក្លាយទៅជាមនុស្សប្រុស ដែលមានទំនួលខុសត្រូវខ្ពស់ នូវអ្វីដែលអ្នកប្រព្រឹត្តិ ។
៥. មុនពេលដែលអ្នក ប្រុងនឹងប្រឡេះខោ និងខោក្នុងនាង អ្នកត្រូវប្រាកដច្បាស់ថា អ្នកជាមនុស្សមានសមត្ថភាព មានភាពក្លាហានគ្រប់គ្រាន់ក្នុងការប្រឈមមុខដោះស្រាយរាល់បញ្ហា ថែមទាំងអាចស៊ូទ្រាំនឹងការលំបាកនានា ដែលនឹងអាចជួបប្រទះក្នុងពេលបន្តបន្ទាប់។
តេីអ្នកដឹងទេ ការបាត់បង់ព្រហ្មចារី មិនមែនជារឿងកំប្លែងនោះទេ ហើយវាក៏មិនមែនគ្រាន់តែជារឿងការសប្បាយតែមុខប៉ុណ្ណោះដែរ។
តេីអ្នកដឹងទេ ៩៩% នៃអារម្មណ៍មនុស្សស្រីអាចលះបង់រឿងបែបនេះចំពោះមនុស្សដែលនាងស្រលាញ់ និងប្រាកដចិត្តថានាងអាចផ្ញេីវាសនាលេីប៉ុណ្ណោះ។
តេីអ្នកដឹងទេ តម្លៃមនុស្សស្រីក៏មិនមែនស្ថិតលេីព្រហ្មចារីតែមួយមុខដែរ តែនោះគឺភាពស្មោះត្រង់ ការលះបង់ និងអត្តចរិតពិតរបស់នាង។
ដូច្នេះចូរធ្វើជាបុរសពិត គិតមុននឹងគូរ កុំយកការសប្បាយមួយពេល បំផ្លាញអនាគតរបស់នារីណាម្នាក់ ព្រោះអ្នកក៏មានម្តាយជាស្រី ហេីយ បង ឬប្អូនអ្នកក៏ជាមនុស្សស្រីដូចគ្នា។
ហើយយ៉ាងណាមិញអត្ថបទនេះគឺសំដៅតែលើប្រុសព្រាន ឬបុរសមិនល្អ ដែលគិតចង់លួងលោម បោកបញ្ឆោត និងបោកប្រាស់យកខ្លួនប្រាណមនុស្សស្រីដែលគ្នាមិនដឹងអិ មិនយល់សេចក្តី ងាយចាញ់បោកការលួងលោមប៉ុណ្ណោះ តែការនិយាយនេះមិនសំដៅទៅលើស្រីនាយត្បាញអាយ និងស្រីហក់លោតមិនល្អឡើយ៕
ប្រភព៖ Sad Inside
បកប្រែ និងសម្រួលបន្ថែមដោយ៖ ចែធំ Page: កវីលាក់ស្នេហ៍-ប្រលោមលោក
ព័ត៌មានថ្មីៗ
