ម៉ោះអ្នកសៀមរាបមានគីឡូទេ? តោះទៅបោះតង់នៅភ្នំគូលែន បានសប្បាយ ហើយបានចូលរួមការងារសប្បុរសធម៌ទៀត
ការធ្វើដំណើរកម្សាន្តរបៀបបោះតង់ កំពុងតែក្លាយទៅជាដំណើរកម្សាន្តដ៏ប្លែក និងពេញនិយមរបស់យុវជននាពេលបច្ចុប្បន្ន ដោយការធ្វើដំណើរកម្សាន្តបែបនេះ ចាត់ទុកថាជាបទពិសោធន៍ថ្មីនៃការកម្សាន្តដែលមានការផ្សងព្រេង ប្រើជីវិតរស់នៅបែបធម្មជាតិ ប្រកបដោយបរិយាកាសស្រស់ស្រាយ ដោយភាគច្រើននោះការបោះតង់តែងតែធ្វើឡើងនៅតំបន់មាត់សមុទ្រ និងតំប់ព្រៃភ្នំធម្មជាតិដូចជានៅក្នុងខេត្តកំពតជាដើម។
យ៉ាងណាមិញ នាពេលថ្មីៗនេះផងដែរ ក្រុមយុវជនមួយក្រុម នៅក្នុងខេត្តសៀមរាប បានរៀបគម្រោងដំណើរកម្សាន្តបោះតង់នៅក្នុងភ្នំគូលែន ចំនួន ២ថ្ងៃ១យប់ (អាហារ ៣ ពេល) ដែលយុវជនដទៃ ពិសេសអ្នកសៀមរាប ក៏អាចចូលរួមដោយសេរី ផងដែរ។
ដោយកម្មវិធីនេះជាកម្មវិធីក្នុងការរាប់អានគ្នាដោយមិនប្រកាន់ មានការទទួលទានអាហារជុំគ្នាក្នុងជំរុំតង់ ទទួលទានតែ កាហ្វេ និងអាំងសាច់ជុំគ្នានាពេលរាត្រីប្រកបដោយក្តីស្និទ្ធស្នាល និងការជជែកកម្សាន្តក្នុងការផ្លាស់ប្តូរបទពិសោធន៍នៃការដើរលេងបោះតង់ទៅវិញទៅមកទៀតផង។
គួរឱ្យដឹងផងដែរថា កម្មវិធីនេះ នឹងចាប់ផ្តើមនៅថ្ងៃទី ១៨ និង ១៩ ខែកក្កដា ឆ្នាំ ២០២០ នេះ ដោយមិនត្រឹមតែជាការធ្វើដណើរកម្សាន្ត តែក៏មានការចុះធ្វើការសប្បុរសធម៌ផងដែរ។ ដូច្នេះប្រសិនជាមានក្រុមយុវជន មានចំណាប់អារម្មណ៍អាចទំនាក់ទំនងមកកាន់លេខ 069 80 62 97 ឬក៏អាចទាក់ទងមកកាន់ក្រុមការងារផ្ទាល់ដើម្បីចុះឈ្មោះ 015414273/071440400 និងគណនីហ្វេសប៊ុកផេក We Trip Advnture ៕
អត្ថបទ៖ ក្នុងស្រុក
ប្រភពរូបភាព៖ Horng Rengsei
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
