ឆ្នាំនេះ គង់ ចាន់ស្រីមុំ ធ្វើគម្រប់ខួប 02ឆ្នាំ ជូនកូនស្រី MOMO ថ្មីប្លែកមិនចាញ់ឆ្នាំមុនៗ
ភ្នំពេញ៖ កាលពីយប់មិញនេះ អ្នកម្តាយវ័យក្មេងស្រស់ស្អាត អ្នកនាង គង់ ចាន់ស្រីមុំ និងស្វាមីលោក គឹម សីហា បានធ្វើពិធីខួបកំណើតឲ្យកូនស្រីបណ្តូលចិត្តតែមួយឈ្មោះថា គឹម សីហ៍មរកត ហៅ MOMO។ ដោយអ្នកនាងបានបញ្ជាក់ផងដែរថា អ្នកនាងមានគម្រោងធ្វើពិធីនេះមុនរយៈពេលត្រឹមតែ 3ថ្ងៃប៉ុណ្ណោះ ហើយក៏មិននឹកស្មានថា ការរៀបចំ តុបតែងបានល្អបែបនេះសោះ។
គួរបញ្ជាក់ផងដែរថា កាលពីឆ្នាំមុនពិធីខួបកំណើតរបស់ អ្នកនាង គង់ ចាន់ស្រីមុំ និងកូនស្រី បានតុបតែងខ្លួនជា Cool Play តំណាងឲ្យតួអង្គនីមួយៗដោយមានការចូលរួមពីមិត្តរួមសិល្បៈ និងមិត្តភក្តិជិតស្និទ្ធិ។ ដោយឡែកឆ្នាំនេះវិញ ប្តូរមកជាការតុបតែងខ្លួនជាអ្នករាំរបាំប៉ាឡេ ដែលនាំឲ្យពិធីនេះកាន់តែភាពអធិកអធម សប្បាយរីករាយយ៉ាងខ្លាំង និងកាន់តែប្លែកពីឆ្នាំមុន ថែមទាំងមានការចូលរួមពីមិត្តរួមសិល្បៈដូចជា លោក អេឡិច ចាន់ត្រា លោក ជា វិបុល អ្នកនាង គង់ សុជាតិ លោក ជា វណ្ណរិទ្ធិ កញ្ញា ផេនខេក និងមិត្តសិល្បករ សិប្បការិនីជាច្រើនទៀត រួមនឹងមិត្តភក្តិជិតស្និទ្ធិរបស់អ្នកនាង គង់ ចាន់ស្រីមុំ ផងដែរ។
ចង់ដឹងថា តើឆ្នាំនេះមានអ្វីថ្មី អ្វីប្លែកក្នុងពិធីខួបកំណើតកូនស្រីរបស់អ្នកនាង គង់ ចាន់ស្រីមុំ និងលោក គឹម សីហា ? កុំភ្លេចទស្សនារូបភាពខាងក្រោមនេះទាំងអស់គ្នា ៖
ព័ត៌មានថ្មីៗ
