អនុវត្តន៍ទៅមិនខុសទេ! ការគេងឱ្យបានគ្រប់គ្រាន់តាមអាយុកាល មានអត្ថប្រយោជន៍យ៉ាងខ្លាំងដល់សុខភាព!
យើងបានដឹងពីព័ត៌មានជាច្រើនអំពីការគេង និងការគោរពពេលវេលាក្នុងការគេងរបស់យើង មានអត្ថប្រយោជន៍ដល់សុខភាពយ៉ាងខ្លាំង។ ជាធម្មតាមនុស្សគិតថា 7 ទៅ 8 ម៉ោងគឺគ្រប់គ្រាន់ហើយប៉ុន្តែនោះមិនសម្រាប់មនុស្សគ្នានោះទេ ព្រោះការគេងគ្រប់គ្រាន់គឺអាស្រ័យទៅលើអាយុ។
ការគេងគឺជាផ្នែកសំខាន់មួយនៃជីវិតរបស់យើង។ គ្មានអ្វីប្រសើរជាងការចូលគេងបន្ទាប់ពីការខិតខំប្រឹងប្រែងក្នុងការងារអស់រយៈពេលជាយូរ។ ការគេងឱ្យមានសុខភាពល្អមានសារៈសំខាន់ណាស់សម្រាប់ការសម្រាក និងការទទួលបានថាមពលមកវិញ។ ប៉ុន្តែតើយើងត្រូវការប៉ុន្មានម៉ោងដើម្បីគេងលក់ស្រួល?
អត្ថបទខាងក្រោមនេះនឹងប្រាប់អ្នកថាតើអ្នកពិតជាត្រូវការគេងប៉ុន្មានម៉ោងទើបត្រឹមត្រូវដោយផ្អែកលើអាយុរបស់អ្នក។
គេងមិនគ្រប់គ្រាន់
© Depositphotos.com © Depositphotos.com
មនុស្សយើងភាគច្រើនរង់ចាំចុងសប្តាហ៍ដើម្បីសម្រាកឱ្យបានល្អ។ ទី១ ការគេងមិនបានស្កប់ស្កល់ប៉ះពាល់ដល់គុណភាពនៃការគេងនាពេលអនាគត។ ទី ២ ការគេងមិនគ្រប់គ្រាន់នេះជះឥទ្ធិពលអាក្រក់ដល់សុខភាពរបស់យើង។
ការគេងមិនបានគ្រប់គ្រាន់ធ្វើឱ្យប្រព័ន្ធភាពស៊ាំរបស់យើងចុះខ្សោយ ហើយអាចនាំឱ្យមានផលវិបាកធ្ងន់ធ្ងរ។
ការគេងមិនបានគ្រប់គ្រាន់បង្កើនហានិភ័យនៃការវិវត្តទៅជាបញ្ហានិងជំងឺដូចខាងក្រោម៖
- ហត់នឿយ
- ជំងឺធ្លាក់ទឹកចិត្ត
- ការផ្លាស់ប្តូរមុខងារអ័រម៉ូន
- ជំងឺសរសៃឈាមបេះដូង
- ភ្នែកចុះខ្សោយ
- ជំងឺទឹកនោមផ្អែម
© Depositphotos.com © Depositphotos.com
បន្ថែមលើអ្វីៗទាំងអស់នេះការគេងមិនត្រឹមត្រូវប៉ះពាល់ដល់រាងកាយនិងរូបរាង។ ជាលទ្ធផលការឡើងទម្ងន់ រង្វង់នៅក្រោមភ្នែក និងសម្បុរស្បែកមិនល្អអាចក្លាយជាការពិត។ ការគេងមិនគ្រប់គ្រាន់នេះក៏នាំឱ្យខ្វះការផ្តោតអារម្មណ៍ ការថយចុះប្រសិទ្ធភាពប្រចាំថ្ងៃ និងភាពចាស់មុនអាយុផងដែរ។
អាយុ និងការគេង
គេងមិនគ្រប់គ្រាន់តាមអាយុមិនត្រឹមតែប៉ះពាល់ដល់ស្ថានភាព និងមុខងាររាងកាយរបស់យើងប៉ុណ្ណោះទេ។ អ្នកវិទ្យាសាស្ត្របានបង្កើតទំនាក់ទំនងរវាងអាយុនិងចំនួនម៉ោងដែលត្រូវការសម្រាប់ការគេងលក់ស្រួលស្កប់ស្កល់។
0-3 ខែ: 14-17 ម៉ោង
4-11 ខែ: 12-15 ម៉ោង
1-2 ឆ្នាំ: 11-14 ម៉ោង
3-5 ឆ្នាំ: 10-13 ម៉ោង
6-13 ឆ្នាំ: 9-11 ម៉ោង
14-17 ឆ្នាំ: 8-10 ម៉ោង
18-25 ឆ្នាំ: 7-9 ម៉ោង
26-64 ឆ្នាំ: 7-9 ម៉ោង
65+ ឆ្នាំ: 7-8 ម៉ោង
មនុស្សវ័យចំណាស់គឺចំនួននៃការគេងតិចជាងមនុស្សវ័យក្មេង។
ទារក ០ ខែរហូតដល់អាយុ ៣ ខែត្រូវការការគេងច្រើនបំផុត។ ក្មេងអាយុក្រោម ១៨ ឆ្នាំគួរគេងច្រើនជាង ៨ ម៉ោងក្នុងមួយយប់។ បន្ទាប់ពីនោះបរិមាណនៃការគេងដែលត្រូវការត្រូវបានកាត់បន្ថយយ៉ាងខ្លាំងហើយផ្លាស់ប្តូរបន្ទាប់ពីមនុស្សឈានដល់អាយុ ៦៥ ឆ្នាំ។ ប៉ុន្តែកុំភ្លេចថាមនុស្សម្នាក់ៗមានតម្រូវការផ្ទាល់ខ្លួនរៀងៗខ្លួនដែលអាចផ្លាស់ប្តូរចំនួនម៉ោងទាំងនេះ។
ធ្វើឱ្យការគេងកាន់តែប្រសើរឡើង
វាចាំបាច់ណាស់ក្នុងការយកចិត្តទុកដាក់លើគុណភាពនិងរយៈពេលនៃការគេងរបស់អ្នក។ ការគេងមិនល្អអាចនាំឱ្យមានសុខភាពកាន់តែយ៉ាប់យ៉ឺន។ អ្នកអាចប្រើវិធីខាងក្រោមដើម្បីជួយឱ្យគេងលក់ស្រួលនិងមានអារម្មណ៍ស្រស់ស្រាយជាងមុនជារៀងរាល់ថ្ងៃ៖
- រក្សាពេលថ្ងៃនិងពេលយប់របស់អ្នកដាច់ដោយឡែកពីគ្នា។ វាជាការសំខាន់ដែលត្រូវចងចាំថាមនុស្សគួរតែធ្វើការពេលថ្ងៃ និងគេងពេលយប់។ ប្រសិនបើអ្នកធ្វើខុសគោលការណ៍នេះ បន្ទាប់មកអ្នកទំនងជាមានបញ្ហាជាមួយនឹងការគេង។
- គេង និងភ្ញាក់ពីដំណេកក្នុងពេលតែមួយជារៀងរាល់ថ្ងៃ។
- កុំញ៉ាំភេសជ្ជៈប៉ូវកំលាំងមុនពេលចូលគេង។
- កុំទទួលទានអាហារពេលយប់។
- បង្កើតបរិយាកាសកក់ក្ដៅ និងមានផាសុកភាពនៅក្នុងបន្ទប់គេង។
- ជ្រើសរើសគ្រែដែលមានផាសុខភាព និងពូកដែលមានគុណភាព។
- ការដើររយៈពេលខ្លីជាមួយនឹងខ្យល់បរិសុទ្ធនឹងជួយឱ្យអ្នកដេកលក់កាន់តែលឿន។
- ព្យាយាមកុំប្រើឧបករណ៍អេឡិចត្រូវនិចមុនពេលចូលគេង ហើយបិទឧបករណ៍អគ្គិសនីនៅពេលយប់។
- យកចិត្តទុកដាក់លើសកម្មភាពរាងកាយ និងបច្ចេកទេសសម្រាក។
© Depositphotos.com © pixabay.com
ការគេងឱ្យបានគ្រប់គ្រាន់មិនស្មុគស្មាញទេ។ អ្នកអាចប្តូរទំលាប់គេងរបស់អ្នកដោយធ្វើសកម្មភាពសាមញ្ញ ៗ ទាំងនេះ។ ផ្តល់ផលជូនអ្នកវិញ ដោយការរីករាយនិងមានសុខភាពល្អ៕
ប្រភព៖ Brightside
អត្ថបទដោយ៖ ក្នុងស្រុក
ព័ត៌មានថ្មីៗ
