គិតមកដល់ពេលនេះ រុស្សីមានចំនួនអ្នកឆ្លងចំនួន ៨៧.១៤៧ករណី ក្លាយជាប្រទេសលេខរៀងទី៩ ក្នុងចំណោមប្រទេសទាំងអស់ ដែលមានចំនួនអ្នកឆ្លងវីរុសកូរ៉ូណា។
ប្រទេសរុស្ស៊ីបានកើនលើសចំនួនផ្លូវការនៃករណីឆ្លងជំងឺកូវី១៩ បន្ទាប់ពីបានចុះបញ្ជីនូវករណីថ្មីជិត ៦.២០០ ក្នុងរយៈពេលត្រឹមតែ ២៤ ម៉ោងប៉ុណ្ណោះ។
រដ្ឋាភិបាលរុស្ស៊ីបានរាយការណ៍ថា មានករណីសរុបចំនួន ៨៧.១៤៧ ករណីកាលពីថ្ងៃច័ន្ទ ដែលមានចំនួនជិត ៤.០០០ ករណីច្រើនជាងចំនួនផ្លូវការរបស់ប្រទេសចិនដែលមានចំនួន ៨៣.៩១២ នាក់។
យោងតាមទីភ្នាក់ងារសារព័ត៌មាន TASS របស់រដ្ឋបាន ឲ្យដឹងថា ប្រទេសនេះក៏បានកត់ត្រានូវការស្លាប់ថ្មីចំនួន ៥០ នាក់ ក្នុងរយៈពេល ២៤ ម៉ោងកន្លងមក ដែលធ្វើឱ្យចំនួនអ្នកស្លាប់សរុបកើនដល់ ៧៩៤ នាក់៕
ប្រភព ៖ Daily mail