ក្រសួងសុខាភិបាលកម្ពុជា បានចេញសេចក្ដីប្រកាសលទ្ធផលអំពីការធ្វើតេស្តរកវីរុសកូវីដ១៩នៅប្រទេសកម្ពុជា សម្រាប់ថ្ងៃទី០៦ ខែមេសា ឆ្នាំ២០២០ ជាលទ្ធផលគឺឃើញមានវិជ្ជមាន ចំនួន១ករណីថ្មី លើស្ត្រីជនជាតិវៀតណាម ជាអ្នកទេសចរណ អាយុ២៧ឆ្នាំ ដែលកំពុងដាក់ឱ្យសម្រាកព្យាបាលនៅមន្ទីពេទ្យ មិត្តភាព ខ្មែរ-សូវៀត។
ចំណែកឯករណីអ្នកដែលបានព្យាបាលជាសះស្បើយនៅក្នុងថ្ងៃនេះគឺមានចំនួន ៥នាក់បន្ថែម ដែលបានធ្វើតេស្តឃើញ អវិជ្ជមានចំនួន២លើក។
សរុបអ្នកដែលបានរកឃើញវិជ្ជមានទាំងអស់នៅក្នុងប្រទេសកម្ពុជាគឺមានចំនួន ១១៥នាក់ ក្នុងនោះមានស្ត្រីចំនួន ៣៣នាក់ និងបុរស ៨២នាក់។ រីឯចំនួនអ្នកដែលបានព្យាបាលជាសះស្បើទាំងអស់មានចំនួន ៥៨នាក់ និងអ្នកកំពុងតែសម្រាកព្យាបាលគឺមានចំនួន ៥៧នាក់។