BREAKING : យន្ដហោះ Lionair ដឹកគ្រឿងផ្គត់ផ្គង់វេជ្ជសាស្ដ្រផ្ទុះពេលហោះហើរ បានសម្លាប់អ្នកដំណើរទាំងអស់
ពិភពលោកកំពុងបំពេញបេសកកម្មលុបបំបាត់វីរុស Covid-19 ដែលជាហេតុធ្វើឱ្យមានការសោកស្តាយជាខ្លាំងនៅពេលបានដំណឹងថា យន្តហោះដឹកគ្រឿងផ្គត់ផ្គង់ពេទ្យ និងបុគ្គលិកសុខាភិបាលបានផ្ទុះនៅប្រទេសហ្វីលីពីន។
យន្ដហោះជម្លៀសខាងវេជ្ជសាស្ត្រដែលគ្រប់គ្រងដោយប្រទេសហ្វីលីពីនដែលមានឈ្មោះថា Lionair ត្រូវបានហោះឡើងឆ្ពោះទៅកាន់ Haneda ប្រទេសជប៉ុន នៅពេលដែលវាបានផ្ទុះក្នុងអំឡុងពេលហោះឡើងនៅអាកាសយានដ្ឋានអន្តរជាតិ Ninoy Aquino (NAIA) ដោយបានសម្លាប់អ្នកដំណើរ និងសមាជិកនាវិកទាំងអស់។ នេះបើយោងតាមសារព័ត៌មាន Channel News Asia ។
យោងតាមប្រធានកាកបាទក្រហមហ្វីលីពីនលោក Richard Gordon បានឱ្យដឹងថា អ្នកដែលបាត់បង់ជីវិតរួមមានអ្នកផ្ទុកជំងឺផ្ទុកវីរុសផងដែរ។
គាត់បានបន្ថែមទៀតថា “ ក្រុមពន្លត់អគ្គីភ័យ និងក្រុមគ្រូពេទ្យរបស់យើងត្រូវបានបញ្ជូនទៅស្ថានីយ NAIA ស្ថានីយទី ២ រួចហើយ ដើម្បីឆ្លើយតបនឹងឧបទ្ទវហេតុធ្លាក់យន្ដហោះដែលពាក់ព័ន្ធនឹង Lionair Flight RPC 5880 ។ អ្នកដំណើរទាំង ៨ នាក់ រួមមានគ្រូពេទ្យហោះហើរ គិលានុបដ្ឋាយិកា វេជ្ជបណ្ឌិត សមាជិកនាវិក ៣ នាក់។ អ្នកជំងឺម្នាក់ និងដៃគូរបស់ពួកគេនៅលើយន្តហោះនោះ” ។
បច្ចុប្បន្ននេះ ការស៊ើបអង្កេតចាំបាច់កំពុងដំណើរការ ដើម្បីរកឱ្យឃើញនូវហេតុដែលបណ្តាលឱ្យផ្ទុះឡើង។
យ៉ាងណាសូមចូលរួមរំលែកទុក្ខជាមួយក្រុមគ្រួសារនៃអ្នកដែលបានបាត់បង់ជីវិត។
ប្រភព ៖ WORLD OF BUZZ
ព័ត៌មានថ្មីៗ
