កុំលូកឱ្យសោះ! មនុស្ស ៦ ប្រភេទ ដាច់ខាតកុំញុំាអយស្ទ័រ បើមិនចង់ស្ដាយក្រោយ
អយស្ទ័រ គឺជាប្រភេទអាហារឆៅដ៏ពេញនិយមបំផុតសម្រាប់មនុស្សយើងសព្វថ្ងៃ គ្រឿងសមុទ្រមួយប្រភេទនេះ មិនត្រឹមតែឆ្ងាញ់ប៉ុណ្ណោះទេ តែក៏ជាអាហាដែលសម្បូរទៅដោយអាហាររូបត្ថម្ភខ្ពស់ និងល្អសម្រាប់សុខភាព ប៉ូវកម្លាំងច្រើនផងដែរ ប៉ុន្តែមិនមែនគ្រប់គ្នាសុទ្ធតែអាចទទួលទានបាននោះឡើយ ជាពិសេសមនុស្ស ៦ ក្រុមនេះ កុំលូកឱ្យសោះ បើមិនដូច្នោះទេ អ្នកនឹងគ្រោះថ្នាក់ ស្ដាយក្រោយមិនខាន។
១) តម្លៃអាហារូបត្ថម្ភរបស់អយស្ទ័រ៖ យោងតាមឱសថបុរាណ សាច់អយស្ទ័រត្រជាក់ និងមិនមានជាតិពុលឡើយ។ អាហារនេះមានប្រសិទិ្ធភាពពង្រឹងយ៉ាងរឹងមាំ សារធាតុចិញ្ចឹម បំប៉នយិន និងឈាម ព្យាបាលការគេងមិនលក់ដោយសារកម្ដៅថ្ងៃ កម្ដៅស្ងួត ស្ត្រីដែលមានបញ្ហាមុនអស់រដូវ វិលមុខ អស់កម្លាំង ស្លេកស្លាំងក្រោយសម្រាល...។ យោងតាមការស្រាវជ្រាវបែបវិទ្យាសាស្ត្រទំនើប សាច់អយស្ទ័រមានវីតាមីន សារធាតុរ៉ែ និងសមាសធាតុសរីរាង្គជាច្រើនដូចជា វីតាមីន C វីតាមីន D វីតាមីន B ស័ង្កសី ជាតិដែក ទង់ដែង សេលេញ៉ូម ផូស្វ័រ ប៉ូតាស្យូម ប្រូតេអ៊ីន អាស៊ីតខ្លាញ់អូមេហ្គា 3 សារធាតុប្រឆាំងអុកស៊ីតកម្មជាដើម...។
២) មនុស្សមិនគួរបរិភោគអយស្ទ័រទេ៖ មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក បានផ្តល់អនុសាសន៍ថា អ្នកដែលមានរោគសញ្ញាដូចខាងក្រោមនេះ មិនគួរបរិភោគអយស្ទ័រឡើយ៖
- អ្នកដែលមានប្រវត្តិអាឡែស៊ីគ្រឿងសមុទ្រ
- អ្នកដែលមានជំងឺថ្លើមរ៉ាំរ៉ៃ
- អ្នកដែលមានជំងឺមូលដ្ឋាន ប្រើថ្នាំដើម្បីព្យាបាលភាពស៊ាំ
- អ្នកដែលមានជំងឺរលាកសន្លាក់ គួរកំណត់ការទទួលទានអយស្ទ័រ
- អ្នកដែលមានលំពែងខ្សោយ និងក្រពះ រំលាយអាហារ ឬរាគ គួរចៀសវាងទទួលទានអយស្ទ័រ ព្រោះនេះជាអាហារត្រជាក់ ដែលអាចធ្វើឱ្យក្រពះត្រជាក់ និងរាគបាន។
-ស្ត្រីមានផ្ទៃពោះ ឬកំពុងបំបៅដោះកូន គួរតែកំណត់ការទទួលទានអយស្ទ័រ ព្រោះអាហារសមុទ្រប្រភេទនេះ ប្រឈមនឹងការមានផ្ទុកជាតិបារតខ្ពស់។ លើសពីនេះ ដាច់ខាតកុំបរិភោគអយស្ទ័រឆៅ ព្រោះវាងាយនឹងដង្កូវនាង ឬប៉ារ៉ាស៊ីតផ្សេងៗទៀត។
៣) ចំណាំខ្លះទៀតនៅពេលញ៉ាំអយស្ទ័រ
- កុំបរិភោគអយស្ទ័រច្រើនពេក៖ អយស្ទ័រគឺជាអាហារដែលមានជីវជាតិខ្ពស់ ប៉ុន្តែអ្នកមិនគួរញ៉ាំច្រើនពេកទេ។ ការទទួលទានអយស្ទ័រច្រើនពេកអាចនាំឱ្យមានជាតិស័ង្កសី និងកូលេស្តេរ៉ុលលើស។ សាច់អយស្ទ័រ ១៧០ ក្រាមអាចផ្ទុកកូឡេស្តេរ៉ុលដល់ ៨៥ មីលីក្រាម។
- កំណត់ការបរិភោគអយស្ទ័រឆៅ៖ អយស្ទ័រឆៅ មិនថាធម្មជាតិ ឬចិញ្ចឹមទេ អាចមានប៉ារ៉ាស៊ីតច្រើនប្រភេទ។ ការទទួលទានអយស្ទ័រឆៅដែលមានមេរោគបាក់តេរីអាចបង្កើនហានិភ័យនៃជំងឺដូចជា រលាកពោះវៀន រលាកក្រពះ ជំងឺអាសន្នរោគ និងការឆ្លងមេរោគដង្កូវនាង។
- កុំប្រើ ខ្ទឹមបំពង ច្រើនពេកពេលញ៉ាំអយស្ទ័រ៖ សម្រាប់អាហារសមុទ្រ ខ្ទឹមបំពង គឺជាគ្រឿងទេសដ៏ស័ក្តិសមសម្រាប់បំបាត់ក្លិនត្រី និងបង្កើនភាពឆ្ងាញ់។ ទោះជាយ៉ាងណាក៏ដោយ ខ្ទឹមបំពង អាចបណ្តាលឱ្យរលាកដល់ភ្នាសច្រមុះ និងបំពង់កបានយ៉ាងងាយ ប្រសិនបើបរិភោគច្រើនពេក។ លើសពីនេះទៀត ខ្ទឹមបំពង ក៏អាចបណ្តាលឱ្យរលាកក្រពះសម្រាប់អ្នកដែលមានប្រព័ន្ធរំលាយអាហារមិនល្អ ឈឺក្រពះ ឬរលាកពោះវៀន៕
ព័ត៌មានថ្មីៗ
