កុំដាំចង្កឹះចូលចានបាយ កុំថតរូបពេលយប់ តំណម ៥ ពីចាស់បុរាណមិនត្រូវប្រមាថដាច់ខាត
តាមដំណាលពីចាស់បុរាណតែងតែប្រាប់ជារឿយៗ នៅរឿងរ៉ាវដែលគួរធ្វើដើម្បីទទួលបានជោគជតាល្អក្នុងជីវិត និងរឿងដែលមិនគួរធ្វើ ដើម្បីបញ្ចៀសកុំឲ្យមានវិញ្ញាណអាក្រក់មកតាមលងបន្លាច ក៏ដូចជានាំភាពភិតភ័យមកកាន់អ្នក។
ខាងក្រោមយើងបង្ហាញពីតំណមទាំង ៥ ដែលអ្នកត្រូវតែគោរពអនុវត្តតាម មិនអាចប្រមាថបានឡើយ៖
១) ពេលទទួលទានបាយ កុំដាំបញ្ឈរចង្កឹះចូលចានបាយ
ហាមផ្តាច់កុំដោតចង្កឹះឲ្យបញ្ឈរចូលចានបាយ ព្រោះនេះជាពិធីសាសនាដែលគេធ្វើដើម្បីបូជានិងថ្វាយបង្គំដល់មនុស្សស្លាប់ បែបនេះអ្នកត្រូវតែជៀស ដើម្បីឲ្យកុំអារក្សអ្នកតាមានការយល់ភ័ន្តច្រឡំ។
២) ពេលទៅសួរសុខទុក្ខអ្នកមានជំងឺ
កុំយកផ្លែព័រទៅសួរសុខទុក្ខអ្នកជំងឺឲ្យសោះ ព្រោះវានិមិត្តសញ្ញានៃការស្លាប់និងបែកបាក់ ហើយកុំយកផ្កាក្រហមទៅឲ្យពួកគេឲ្យសោះ ព្រោះតំណាងឲ្យឈាម។ ពណ៌ល្អបំផុតសម្រាប់យកទៅមន្ទីរពេទ្យមានតែពណ៌សនិងលឿង ហើយឲ្យអ្វីក៏កុំឲ្យនៅបរិមាណចំនួន ៤ ព្រោះលេខ ៤ ជាលេខ "ស្លាប់"។
៣) កុំព្យួរឧបករណ៍បន្ទរខ្យល់
កុំដាក់ឧបករណ៍បន្ទរខ្យល់ក្នុងបន្ទប់គេង ឬនៅក្បាលគ្រែ ព្រោះវាត្រូវបានគេជឿថា ជាសំឡេងទាក់ទាញវិញ្ញាណបិសាចនៅពេលយប់ ហើយវាងាយនឹងហៅពួកវាមកលុកលុយក្នុងរាងកាយអ្នក។
៤) កុំឲ្យសត្វឆ្មាចម្លែកចូលមកក្នុងផ្ទះ
កុំឲ្យសត្វឆ្មាដែលកំពុងផើម ជិតកើតកូន ចូលមកកើតក្នុងផ្ទះ ព្រោះគេជឿថានឹងនាំសំណាងអាក្រក់មកដល់ម្ចាស់ផ្ទះ។
៥) កុំថតរូបនៅពេលយប់
ការថតរូបនៅពេលយប់ គេជឿថា អ្នកនឹងរមែងអាចឃើញវិញ្ញាណអាក្រក់ ឬរូបភាពដែលមិនគួរឃើញនៅក្នុងរូបថត នោះវាជាសារមិនល្អ ហើយក៏អាចនាំផលអាក្រក់ចូលដល់ជីវិតរបស់អ្នកផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
