សោយសុខជីវិតពេលចាស់ទៅ! បើអ្នកអាចគ្រប់គ្រងលើរឿងទាំង ៣ នេះបាន ចាស់ទៅអ្នកនឹងមានសំណាង រស់នៅមិនបាច់ខ្វល់អ្វីច្រើនទេ
មនុស្សដែលអាចគ្រប់គ្រងលើរឿងទាំង ៣ នេះបាន ពេលចាស់ទៅ អ្នកនឹងមានជីវិតដែលពោរពេញដោយភាពរីករាយ អស់ទុក្ខកង្វល់ រស់នៅក៏ស្រណុកសុខស្រួលផងដែរ។
១. កន្លែងស្នាក់នៅឯករាជ្យ
ក្នុងវ័យចាស់ មានមនុស្សជាច្រើនតែងគិតថា លក់ផ្ទះយកលុយឱ្យកូនចៅ ហើយទៅរស់នៅជាមួយកូនៗ ដើម្បីកាត់បន្ថយភាពឯកា និងទទួលបានការមើលថែទាំពីកូនៗ និងចៅឱ្យកាន់តែប្រសើរឡើង។ ប៉ុន្តែនេះជាជម្រើសខុសរបស់មនុស្សចាស់។ មូលហេតុ គឺដោយសារតែនឹងមានគម្លាតជំនាន់រវាងមនុស្សវ័យក្មេង និងមនុស្សចាស់ និងភាពខុសគ្នាជាច្រើននៅក្នុងរបៀបរស់នៅ និងទម្លាប់រស់នៅ។ បន្ទាប់មកការរស់នៅក្រោមដំបូលតែមួយនឹងមានជម្លោះ បញ្ហាមិនចេះចប់។
ដូច្នេះមិនថាកូនរបស់អ្នកមានបាន សល់ទ្រព្យប៉ុនណាទេ មនុស្សចាស់គួរតែមានផ្ទះសម្រាប់ខ្លួនឯង។ នេះប្រៀបដូចជាការធានាខ្លួនឯងនូវផ្លូវចេញមួួដ៏ល្អ។ ប្រសិនបើថ្ងៃណាមួយនៅពេលដែលអ្នកមានអារម្មណ៍ថាមិនសប្បាយចិត្ត នឹងការរស់នៅជាមួយកូនៗ អ្នកក៏នៅតែមានកន្លែងសម្រាប់ត្រឡប់ទៅផ្ទះវិញ ហើយមានកន្លែងសុខស្រួលដែលជាកម្មសិទ្ធិរបស់អ្នកយ៉ាងពិតប្រាកដ។
២. គ្រប់គ្រងជីវិតរបស់អ្នក
ស្វ័យភាពជីវិត គឺជាគោលការណ៍សំខាន់មួយ ប្រសិនបើមនុស្សចាស់ចង់មានជីវិតសុខស្រួល គ្មានកង្វល់។ ដូច្នោះហើយ ការពិតដែលថាពួកគេជាបុគ្គលឯករាជ្យ ហើយមិនពឹងផ្អែក ឬរំពឹងថាកូនរបស់ពួកគេនឹងមើលថែ គាំទ្រពួកគេគ្រាន់តែជាផ្នែកមួយប៉ុណ្ណោះ។ ទាំងនេះគឺជាមនុស្សដែលរស់នៅប្រកបដោយទំនួលខុសត្រូវជាមួយនឹងជីវិត និងសុខភាពរបស់ពួកគេ។ នេះនឹងជួយកាត់បន្ថយការពឹងផ្អែក ក៏ដូចជាបន្ទុកលើកូនៗផងដែរ។ ម្យ៉ាងវិញទៀត វាជួយឱ្យមនុស្សចាស់មានអារម្មណ៍ថាមានសេរីភាព និងផាសុកភាព។
៣. ឯករាជ្យផ្នែកហិរញ្ញវត្ថុ
ក្រៅពីការស្នាក់នៅ និងការគ្រប់គ្រងជីវិត ការគ្រប់គ្រងហិរញ្ញវត្ថុក៏មានសារៈសំខាន់ខ្លាំងណាស់ ដែលមនុស្សចាស់ត្រូវយកចិត្តទុកដាក់។ នៅក្នុងជីវិតរបស់អ្នក មិនថាអ្នកស្រលាញ់កូនរបស់អ្នកប៉ុនណានោះទេ ក្នុងរយៈពេលប៉ុន្មានឆ្នាំចុងក្រោយនៃជីវិតរបស់អ្នក អ្នកគួរតែទុកកន្លែងសម្រាប់ខ្លួនអ្នក។ ជាពិសេស ទ្រព្យសម្បត្តិរបស់អ្នកត្រូវបានចាត់ទុកថាជាឧបករណ៍ដ៏មានប្រសិទ្ធភាពបំផុតដើម្បីរីករាយជីវភាពវ័យចាស់។
នៅពេលអ្នកមានសុវត្ថិភាពផ្នែកហិរញ្ញវត្ថុ អ្នកនឹងមិនពឹងផ្អែកលើកូនរបស់អ្នកទេ ដូច្នេះអ្នកនឹងមានអារម្មណ៍ថាមានសុវត្ថិភាពជាងមុន។ ម៉្យាងវិញទៀត មនុស្សចាស់ក៏ត្រូវចាំដែរថា ទោះទ្រព្យច្រើនប៉ុនណាក៏ដោយ ក៏មិនគួរប្រគល់ទ្រព្យនោះឱ្យកូនៗទុកទាំងអស់ដែរ។ ក្នុងជីវិត មិនមែនកូនៗរបស់អ្នកទេ ប៉ុន្តែខ្លួនអ្នកគឺជាការគាំទ្រខ្លាំងបំផុត៕
ព័ត៌មានថ្មីៗ
