ប្រតិបត្តិជាប្រចាំ នូវទម្លាប់ទាំង ៤ យ៉ាងនេះ នឹងនាំឱ្យអ្នកនូវពរជ័យ លាភសំណាងមិនចេះរីងស្ងួត
នៅក្នុងជីវិតនេះ ដរាបណាយើងរក្សានូវអាកប្បកិរិយា ចិត្តគំនិត ទង្វើល្អប្រពៃ យើងនឹងទទួលបានពរជ័យ និងលាភសំណាងគ្មានដែនកំណត់នោះឡើយ។ យ៉ាងណាក៏ដោយ ទម្លាប់ទាំង ៤ យ៉ាងនេះ បើយើងចេះប្រតិបត្តិជាប្រចាំ ជីវិតនឹងមានលាភសំណាងកាន់តែចច្រើន។
១. ដឹងពីរបៀបដឹងគុណចំពោះពរជ័យ
មិនថាមនុស្សស្ថិតក្នុងស្ថានភាពបែបណាក៏ដោយ ក៏គេមិនត្រូវបំភ្លេចដើមកំណើតរបស់ខ្លួន ហើយដឹងគុណចំពោះពរជ័យដែលខ្លួនមានដែរ។ បើបុគ្គលណាប្រព្រឹត្តខុសនឹងសតិសម្បជញ្ញៈ ហើយបង្កទុក្ខដល់អ្នកដទៃ នោះរមែងសាបសូន្យនូវកុសលរបស់ខ្លួន។ ពរជ័យថ្ងៃនេះអាចជាបណ្តាសារបស់អ្នកនៅថ្ងៃស្អែក ដូច្នេះសូមចេះរីករាយនឹងអ្វីគ្រប់យ៉ាងដែលយើងមាន។
កុំបំផ្លាញពរជ័យរបស់អ្នកតាមឆន្ទៈ ចូរដឹងគុណដល់អ្នកគ្រប់គ្នានៅជុំវិញអ្នក ហើយធ្វើអ្វីគ្រប់យ៉ាងដែលអ្នកមាន។ មានតែការធ្វើដូច្នេះទេ ទើបអ្នកនឹងយល់ពីអត្ថន័យនៃជីវិតនេះ។ ក្នុងជីវិតរបស់យើង មនុស្សយើងពេលខ្លះសប្បាយ ហើយពេលខ្លះក៏វេទនា។ ប៉ុន្តែ ទោះជាមនុស្សទទួលបានពរប៉ុន្មានក៏ដោយ ក៏គាត់មិនគួរមានចិត្តក្រអឺតក្រទមដោយសាររឿងនោះឡើយ។
២. ហ៊ានទទួលខុសត្រូវ
ក្នុងជីវិតនេះ យើងទាំងអស់គ្នាជួបនឹងមនុស្សប្រភេទដែលចូលចិត្តបន្ទោស គេចពីការទទួលខុសត្រូវ និងរញ៉េរញ៉ៃគ្រប់យ៉ាង។ មនុស្សប្រភេទនេះ ចង់បានតែអ្វីដែលល្អ បើជាកំហុសក៏គេចវេស។ ជាមួយនឹងអំណាចកាន់តែខ្ពស់ ការទទួលខុសត្រូវកាន់តែធំ។ បុគ្គលដែលតែងតែរុញទំនួលខុសត្រូវលើអ្នកដទៃ ហើយមិនហ៊ានទទួលយកទំនួលខុសត្រូវរបស់ខ្លួន ហើយគិតរកដំណោះស្រាយ នោះនឹងពិបាកនឹងទទួលពរជ័យណាស់។
៣. រស់នៅដោយដឹងគុណ
នៅពេលអ្នករស់នៅដោយដឹងគុណ អ្នកនឹងឃើញថាអ្វីៗក្នុងជីវិតនេះគឺល្អណាស់។ នៅពេលដែលបេះដូងរបស់អ្នកពោរពេញទៅដោយការដឹងគុណចំពោះមនុស្សគ្រប់គ្នា អ្នកនឹងឃើញខ្លួនអ្នកដោយក្តីស្រលាញ់ និងសុភមង្គល។
នៅពេលអ្នកញញឹមដាក់អ្នកដទៃ ពួកគេនឹងផ្តល់ភាពរីករាយមកឱ្យអ្នកវិញ។ មានតែអ្នកដែលរស់នៅដោយកតញ្ញូប៉ុណ្ណោះនឹងរកបានសុភមង្គលពិតប្រាកដ។ នៅពេលអ្នកដឹងគុណ ហើយយល់ថា គ្មានការលំបាកណាដែលមិនអាចយកឈ្នះបាន នោះអ្នកនឹងរីកចម្រើនកាន់តែខ្លាំង។
៤. កុំឈប់រៀន
បើអ្នកចង់ក្លាយជាមនុស្សពូកែ រឿងសំខាន់បំផុតដែលអ្នកត្រូវធ្វើ គឺត្រូវតស៊ូ និងកុំបោះបង់ការសិក្សា។ មានតែសមត្ថភាពរៀនឥតឈប់ឈរ ទើបអាចជោគជ័យបាន។ សមត្ថភាពរៀនរបស់មនុស្សម្នាក់នឹងកំណត់អនាគតរបស់គាត់។ មិនថាអ្នកចង់ក្លាយជាមនុស្សបែបណា មិនថាអនាគតរបស់អ្នកនឹងទៅជាយ៉ាងណានោះទេ អ្នកត្រូវតែប្រឹងប្រែងឱ្យបានច្រើន។
គ្មាននរណាម្នាក់កើតមកចេះស្រាប់នោះទេ មនុស្សគ្រប់រូបត្រូវឆ្លងកាត់ដំណើរការសិក្សាដើម្បីទទួលបានចំណេះដឹងជ្រៅជ្រះ។ គ្មានអ្នកណាកើតមកមានទេពកោសល្យទេ មានតែរៀនសូត្រ ទើបយើងមិនល្ងិតល្ងង់។ ក្នុងមួយជីវិតនេះ អ្នកណាចេះប្រណិប័តន៍នូវការចង់ចេះចង់ដឹង ជីវិតនឹងទទួលបានពរកាន់តែធំធេង៕
ព័ត៌មានថ្មីៗ
