គន្លឹះមើលចរិតលក្ខណៈរបស់មនុស្សម្នាក់ៗ តាមរយៈការទទួលទានអាហារ តាមរបៀបទាំង ៤ នេះ
ការមើលឃើញតាមធម្មជាតិរបស់មនុស្សនៅតុអាហារ អាចជួយឱ្យអ្នកដឹងថាអ្នកគួរសេពគប់ជាមួយអ្នកណា ហើយអ្នកណាត្រូវការកាត់ចំណងចោល ឈប់រាប់រក។
ក្នុងជីវិតនេះ មនុស្សគ្រប់រូបស្វែងរកផលប្រយោជន៍។ ប្រហែលជានោះហើយជាមូលហេតុដែលមនុស្សម្នាក់មើលទៅមានមន្តស្នេហ៍នៅខាងក្រៅ ប៉ុន្តែនៅខាងក្នុងអ្នកមិនដឹងថា គេអាចធ្វើអ្វីសម្រាប់អ្នកបានទេ។ មនុស្សម្នាក់ៗសុទ្ធតែពាក់ស្រោមមុខ ដូច្នេះវាពិតជាលំបាកណាស់ក្នុងការដឹងពីធម្មជាតិពិតរបស់គ្នាទៅវិញទៅមក។ ប៉ុន្តែតាមរយៈវិធីនៃការញុំាអាហារ យើងអាចសម្គាល់ពីធម្មជាតិរបស់មនុស្សម្នាក់បានយ៉ាងច្បាស់លាស់ថា អ្នកណាល្អពិត ឬអ្នកណាចរិតមិនកើត។
១. មនុស្សញ៉ាំលឿនពេក
អ្នកដែលញ៉ាំលឿនពេក តែងតែសម្លឹងមើលគេឃើញថា ពួកគេជាមនុស្សប្រញាប់ និងតស៊ូ។ ក្នុងមួយជីវិតនេះ ទោះរវល់យ៉ាងណាក៏មិនគួរញ៉ាំអីប្រញាប់បែបនេះដែរ។ តាមរយៈការហូបចុកនេះអាចមើលឃើញថា មនុស្សម្នាក់នេះរស់នៅពេញមួយជីវិត គេចូលចិត្តចំណាយពេលមើលថែអ្វីៗជាច្រើន។ ជីវិតរបស់មនុស្សនេះក្រោយមកក្លាយជាអ្នកមាន ប៉ុន្តែពួកគេតែងតែប្រញាប់ ទោះបីជាពួកគេមានលុយច្រើនក៏ដោយ ក៏មិនមានពេលសម្រាកលម្ហែដែរ។
២. ញ៉ាំយឺតពេក
ប្រភេទមនុស្សដែលញ៉ាំយឺតៗបង្ហាញថា ពួកគេសប្បាយចិត្តតាំងពីក្មេងមកម្ល៉េះ ឬថាបុគ្គលិកលក្ខណៈរបស់ពួកគេគឺរីករាយខ្លាំងបំផុត មិនខ្វល់ខ្វាយ និងសុទិដ្ឋិនិយម។ ចាស់ព្រឹទ្ធាចារ្យនៅតែពោលថា « មនុស្សយឺតពេលស៊ីបាយនឹងបានសុខនៅពេលក្រោយ មិនរងទុក្ខ មិនសូវខ្វល់ច្រើន ក៏ជាមនុស្សដែលមិនសូវនឹងននឹងការងារដែរ »។ ជីវិតរបស់បុគ្គលនេះមានជីវភាពធូរធារសមល្មម។
៣. ញ៉ាំកំពប់
ប្រភេទអ្នកទទួលទានប្រភេទនេះ ច្រើនតែជាអ្នកនិយាយមិនដឹងអី ហើយមានចិត្តមិនស្ងប់ប៉ុន្មានទេ។ ក្នុងជីវិតពួកគេច្រើនតែមិនសម្រេចចិត្តអ្វីបានឡើយ ហើយមិនដែលមានយោបល់ក្នុងការសម្រេចចិត្តច្បាស់លាស់ទេ។ ជីវិតរបស់ពួកគេក៏មានបញ្ហាជាច្រើនផងដែរ ជាពិសេសនៅពេលដែលពួកគេមិនដែលមានភាពស្អាតស្អំ។ បើនិយាយពីរូបរាង បុគ្គលនេះមិនអាចទាក់ទាញអ្នកដទៃបានឡើយ។
៤. មនុស្សទំពារធ្វើឱ្យមានសំឡេងរំខាន
ការបញ្ចេញសំឡេងពេលញ៉ាំអាហារបង្ហាញពីការខ្វះសុជីវធម៌ ហើយមនុស្សច្រើនតែត្រូវបានគេចាត់ទុកថាខ្ជិល គ្មានសមត្ថភាព និងមិនដឹងត្រូវធ្វើយ៉ាងណា។ បើមនុស្សនេះជាមនុស្សប្រុស ជាប្រភេទមនុស្សចូលចិត្តដេកស៊ី មិនចង់រកលុយដើម្បីលើកកម្ពស់ជីវិតខ្លួនឡើយ៕
ព័ត៌មានថ្មីៗ
