លក្ខណៈសម្បត្តិ ២ យ៉ាង បង្ហាញថា អ្នកជាបុគ្គលខ្ពង់ខ្ពស់ គួរឱ្យគោរពបំផុត
ដើម្បីក្លាយជាអ្នកឈ្នះក្នុងជីវិត អ្នកត្រូវមានបេះដូងរឹងមាំ និងអាកប្បកិរិយាវិជ្ជមាន មិនត្រូវត្អូញត្អែរនៅពេលប្រឈមមុខនឹងបញ្ហានោះឡើយ។ យ៉ាងណាក៏ដោយ ឱ្យតែអ្នករក្សានូវចរិតលក្ខណៈ និងអាកប្បកិរិយាទាំង ២ យ៉ាងនេះបាន បង្ហាញថា អ្នកជាមនុស្សដែលថ្លៃថ្នូរ ខ្ពង់ខ្ពស់បំផុត។
១. ប្រឈមមុខនឹងបញ្ហាការលំបាក តែមិនត្អូញត្អែរ
មនុស្សដែលមានអំណាចយល់ថា ពេលជួបការលំបាក ពួកគេមិនត្រឹមតែមិនត្អូញត្អែរ និងបន្ទោសអ្នកដទៃប៉ុណ្ណោះទេ ប៉ុន្តែថែមទាំងឆ្លុះបញ្ចាំងដើម្បីរៀនពីបទពិសោធន៍ និងអភិវឌ្ឍខ្លួនឯងផងដែរ។ មានតែការធ្វើដូច្នេះទេ ទើបយើងអាចប្រែក្លាយការលំបាកទៅជាឱកាស ជម្នះឧបសគ្គ និងផ្លាស់ប្តូរជោគវាសនារបស់យើងបាន។
ការត្អូញត្អែរមិនត្រឹមតែបង្កើតថាមពលអវិជ្ជមានប៉ុណ្ណោះទេ ថែមទាំងបង្កើតនូវកាលៈទេសៈអវិជ្ជមានទៀតផង។ ដើម្បីជម្នះការលំបាក យើងត្រូវឈប់ ឈប់ត្អូញត្អែរ យល់ច្បាស់ពីបញ្ហា ហើយស្វែងរកដំណោះស្រាយវិជ្ជមាន។ ការប្រឈមមុខនឹងការលំបាកដោយមិនត្អូញត្អែរ គឺជាកម្រិតខ្ពស់នៃជីវិត។
២. មិនក្រអឺតក្រទម គឺជាឋានដ៏ខ្ពង់ខ្ពស់នៃជីវិតមនុស្ស
មនុស្សខ្លាំងផ្លាស់ប្តូរពេលជួបនឹងការលំបាក ចំណែកឯមនុស្សទន់ខ្សោយច្របូកច្របល់ក្នុងការត្អូញត្អែរ។ ប្រាជ្ញាពិតត្រូវបានបង្ហាញតាមរយៈការបន្ទាបខ្លួន។ ដូច្នេះហើយ ចូររក្សាបេះដូងរបស់អ្នកឱ្យរឹងមាំ និងគ្រប់គ្រងខ្លួនឯង ដើម្បីដឹកនាំនាវាជីវិតឆ្ពោះទៅកាន់គោលដៅដែលអ្នកចង់បាន។
យ៉ាងណាមិញ មនុស្សដែលមានកម្រិតនៃការយល់ដឹងខ្ពស់ រមែងចេះដាក់ខ្លួន ឱនលំទោន មានអាកប្បកិរិយាសុភាពរាបសារ ទន់ភ្លន់ កាន់តែធំ កាន់តែខ្ពង់ខ្ពស់ មនុស្សទាំងនេះ កាន់តែចេះដាក់ខ្លួនគោរពអ្នកដទៃ ទោះបីគេឡើងខ្ពស់ដល់កម្រិតណា ក៏មិនក្រអឺទក្រទម មើលងាយអ្នកដទៃដែ៕
ព័ត៌មានថ្មីៗ
