រឿងទាំង ៦ យ៉ាង ខ្ជិលកាន់តែច្រើន សំណាងកាន់តែខ្លាំង គ្រួសារកាន់តែមានក្ដីសុខ និងសុភមង្គលកាន់តែធំ
មនុស្សជាច្រើនតែងតែប្រើស្តង់ដារផ្ទាល់ខ្លួន ដើម្បីវាយតម្លៃអ្នកដទៃ ហើយថែមទាំងប្រើចំណូលចិត្តរបស់ពួកគេដើម្បីជ្រៀតជ្រែកក្នុងជីវិតដែលខុសពីខ្លួនឯងផងដែរ។ ប៉ុន្តែយូរៗទៅ អ្នកនឹងដឹងអំពីជីវិតរឹតតែច្បាស់ ថាការដែលយើងជ្រៀតជ្រែកក្នុងជីវិតអ្នកដទៃ វាគឺជារៀងមិនត្រឹមត្រូវឡើយ។
យ៉ាងណាមិញ មិនថាស្ថិតក្នុងទំនាក់ទំនងក្នុងគ្រួសារ ជាមួយមិត្តភក្តិ ញាតិមិត្ត ឬមនុស្សក្នុងសង្គមក៏ដោយ ក៏អ្នកត្រូវតែចេះរៀនខ្ជិលក្នុងរឿងទាំង ៦ យ៉ាងនេះ ខ្ជិលកាន់តែខ្លាំង សំណាងកាន់តែច្រើន ចម្រើនសុភមង្គលក្នុងគ្រួសារ និងខ្លួនឯងផងដែរ។
១. ខ្ជិលនិយាយពេលខឹង
មិនថាក្នុងជីវិត ឬការងារនោះទេ ទំនាក់ទំនង និងការរក្សាទំនាក់ទំនងដែលចងចាំទៅវិញទៅមក គឺជារឿងមិនអាចខ្វះបាន។ នោះក៏ជាហេតុផលដែលការអនុវត្តជំនាញទំនាក់ទំនងគឺចាំបាច់សម្រាប់មនុស្សគ្រប់គ្នា។ មិនថាអ្នកខឹងខ្លាំងប៉ុណ្ណាទេ ឱ្យតែចេះទប់រាល់ពាក្យសម្ដីរបស់អ្នក កុំនិយាយចេញមកក្នុងពេលដែលកំពុងតែខឹង នោះបញ្ហានឹងត្រូវដោះស្រាយយ៉ាងឆាប់រហ័ស។ មនុស្សកំពុងតែខឹង នឹងបាត់បង់ការគិតពិចារណា ដូច្នេះ ពាក្យសម្ដីដែលនិយាយពេលខឹង ច្រើនតែមិនបានឆ្លងកាត់ខួរក្បាលឡើយ ដែលជាហេតុនាំឱ្យកើតមានបញ្ហាកាន់តែធំ ហេតុហើយកុំនិយាយពេលខឹង បើមិនចង់ស្ដាយក្រោយ។
២. និយាយតិច
មានសុភាសិតបុរាណមួយពោលថា៖ «និយាយច្រើនខុសច្រើន»។ ក្នុងមួយជីវិតនេះ មនុស្សចំណាយពេលតែ ៣ ឆ្នាំដើម្បីរៀននិយាយ ប៉ុន្តែចំណាយពេលពេញមួយជីវិតរៀនសូត្រ និងបិទមាត់កុំនិយាយតាមតែនឹកឃើញ។ មានតែការប្រុងប្រយ័ត្នដោយមាត់របស់អ្នកប៉ុណ្ណោះ ទើបអ្នកអាចការពារសុភមង្គលផ្ទាល់ខ្លួនរបស់អ្នកបាន មិនថានៅក្នុងជីវិតបែបណានោះទេ។
«គ្រោះកើតព្រោះតែមាត់»។ មនុស្សដែលចូលចិត្តនិយាយអំពីរឿងល្អ និងអាក្រក់របស់អ្នកដទៃ ហើយវិនិច្ឆ័យអ្នកដទៃត្រូវ ឬខុស តែងតែមានបញ្ហា និងរំខានដល់ជីវិតខ្លួនឯង។ ការនិយាយតិច និងស្តាប់ច្រើន គឺជាវិធីដ៏ល្អបំផុតដើម្បីការពារខ្លួនអ្នក និងជួយអ្នកឱ្យដឹកនាំជីវិតកាន់តែរលូន និងងាយស្រួលជាងមុន។
៣. ខ្ជិលអួតអាង
មនុស្សមានសភាវគតិក្នុងការមានអារម្មណ៍ថាមានសារៈសំខាន់ និងចង់ឱ្យមនុស្សទទួលស្គាល់តម្លៃរបស់ពួកគេ ហើយមនុស្សដែលអួតគឺជាទាសករធំបំផុតនៃសភាវគតិនេះ។ ប្រសិនបើអ្នកមានទេពកោសល្យ អ្នកមិនចាំបាច់អួត ឬបង្ហាញវាទៅកាន់អ្នកខាងក្រៅនោះទេ។ លុយកាក់ និងទ្រព្យសម្បត្តិមានវត្ថុស័ក្តិសិទ្ធិណាស់ ហើយអ្នកមិនចាំបាច់បង្ហាញវាដល់អ្នកដទៃឡើយ។
៤. ខ្ជិលអន់ចិត្ត
ទំនាក់ទំនងត្រូវបានបង្កើតឡើងនៅលើទំនុកចិត្ត។ ប្រសិនបើអ្នកបន្តបន្ទោសអ្នកដទៃចំពោះបញ្ហាជាច្រើន បដិសេធមិនយល់ ឬអត់ទោស អ្នកប្រាកដជាបាត់បង់ច្រើនជាងអ្វីដែលអ្នកគិត។
៥. ខ្ជិលនិយាយពាក្យមិនសមរម្យ
ពិបាកមើលងាយខ្លួនឯង ហេតុអ្វីមើលងាយអ្នកដទៃ? កុំធ្វើបាបអ្នកដទៃ ទោះគេបានធ្វើអ្វីក៏គួរតែបង្កើតពរឱ្យគ្រប់គ្នាដែរ កុំប្រើពាក្យមិនសមរម្យទៅកាន់អ្នកដទៃ ព្រោះសម្ដីមិនគប្បីនឹងធ្វើឱ្យមានការមិនចុះសម្រុងគ្នាជាច្រើន ដែលនឹងនាំឱ្យមានគ្រោះ បញ្ហាកើតឡើងដោយងាយ។
៦. ខ្ជិលគិតច្រើនផ្ដេសផ្ដាស
មនុស្សដែលខ្វល់ខ្វាយ គិតផ្ដេសផ្ដាសពេក ច្រើនតែនឿយហត់តែខ្លួនឯង។ ជីវិតគឺបែបហ្នឹងហើយ។ យើងកាន់តែយកចិត្តទុកដាក់ ក៏កាន់តែងាយស្រួលក្នុងការបាត់បង់។
នៅក្នុងចិត្តវិទ្យា មានឥទ្ធិពលដ៏ល្បីល្បាញមួយហៅថា Wallenda ដែលមានប្រភពចេញពីរឿងពិត Wallenda ជាអ្នកដើរតួដ៏ល្បីនៅសហរដ្ឋអាមេរិក។ គាត់បានសម្រេចចិត្តឈប់សម្តែងជាលើកចុងក្រោយនៅអាយុ ៧៣ ឆ្នាំ ហើយជាអកុសលមនុស្សម្នាក់ដែលមិនធ្លាប់មានកំហុសដូចគាត់ បានបរាជ័យលើកនេះ។ គាត់បានធ្លាក់ពីលើខ្សែពួរកម្ពស់រាប់សិបម៉ែត្រ ហើយជាអកុសលបានស្លាប់។
ក្រោយឧបទ្ទវហេតុនេះ ភរិយារបស់លោកបានរៀបរាប់ទាំងឈឺចាប់ថា៖ «ខ្ញុំមានការប្រុងប្រយត្ន័ថានឹងមានរឿងអ្វីកើតឡើង ព្រោះមុនពេលសម្តែងគាត់តែងតែនិយាយថាការសំដែងនេះសំខាន់ពេក មិនអាចអនុញ្ញាតិឱ្យបរាជ័យបានទេ ព្រោះពីមុនគាត់តែងតែមិនគិតច្រើន ហើយផ្ដោតលើការសម្ដែង»។
ការគិតច្រើនប្រាកដជាធ្វើឱ្យអ្នកច្របូកច្របល់ និងមិនអាចផ្តោតលើការងារបានឡើយ។ នេះអាចនាំអ្នកទៅរកកំហុសទាំងស្រុង។ យ៉ាងណាមិញ ការគិតច្រើនពេក គឺពិតជាធ្វើទារុណកម្មខ្លួនឯង និងធ្វើឱ្យខ្លួនឯងអស់កម្លាំងទាំងផ្លូវចិត្ត និងផ្លូវកាយ។
ប្រសិនបើអ្នកបន្តគិតអំពីអតីតកាលម្តងហើយម្តងទៀត អ្នកនឹងឃើញថា ខ្លួនឯងជូរចត់ពេកហើយ។ ប្រសិនបើអ្នកបន្តគិតអំពីរឿងដែលមិនទំនងនឹងកើតឡើងនាពេលអនាគត អ្នកនឹងមានអារម្មណ៍ភ័យខ្លាចចំពោះប្រាក់ចំណេញ និងការបាត់បង់។ គំនិតដែលរំខានច្រើនពេកអាចរារាំងផ្លូវគំនិតចម្បងរបស់អ្នកយ៉ាងងាយស្រួល និងរំខានដល់ល្បឿនរបស់អ្នក។ ផ្ទុយទៅវិញ វាជាការប្រសើរក្នុងការផ្តោតលើបច្ចុប្បន្ន និងចៀសវាងការធ្វើខុសដែលមិនចាំបាច់។ ដូចជាមាននរណាម្នាក់ធ្លាប់បាននិយាយថា៖ «ទាល់តែស្ងប់ស្ងាត់ហើយមិនធ្វើអ្វីក៏អាចរកបានការសម្រាកដែរ»។
បើមិនគិតច្រើន អ្នកអាចខ្វល់ខ្វាយតិចក្នុងជីវិត។ ប្រសិនបើអ្នកមិនគិតច្រើនពេកទេ អ្នកអាចផ្តោតលើអ្វីដែលអ្នកគួរធ្វើ។ ប្រសិនបើអ្នកមិនគិតច្រើនពេកទេ អ្នកអាចបង្កើតកន្លែងទំនេរនៅក្នុងចិត្តរបស់អ្នក បង្កើតកន្លែងសម្រាប់ភាពរីករាយ និងសុភមង្គល៕
ព័ត៌មានថ្មីៗ
