ត្រជាក់ភ្នែកណាស់! បច្ចេកវិទ្យា AI បង្កើតនូវកម្រងរូបភាពវិលត្រឡប់ទៅសម័យឆ្នាំ១៩៦០ នៅកម្ពុជា ដោយជនបរទេសម្នាក់
យោងតាមគណនីហ្វេសប៊ុកជនបរទេសមួយ ដែលមានឈ្មោះថា Jeremie Montessuis បានបង្ហោះរូបភាពជាច្រើនសន្លឹក កេីតចេញពីការស្រមើស្រមៃរបស់ AI តាមរយៈការប្រើប្រាស់កម្មវិធី Mid Journey ដែលបង្កើតជាផ្ទាំងទស្សនីយភាពយ៉ាងប្លែកភ្នែក ពីអតីតកាល ក្នុងទសវត្សទី៦០ (១៩៦០) ដែលកំពុងផ្ទុះការគាំទ្រ និងសរសើរមិនដាច់ពីមាត់ពីសំណាក់មហាជនក្នុងប្រទេស។
ជាមួយនឹងកម្រងរូបភាពដ៏ទាក់ទាញ ដែលបង្ហោះឡើងដោយម្ចាស់គណនីហ្វេសប៊ុកខាងលើបានរៀបរាប់ឱ្យដឹងថា ៖ « Cambodia Swinging 1960s ខ្ញុំបានព្យាយាមអស់ពីសមត្ថភាព ដើម្បីបង្កើតបរិយាកាស តាមរយៈកម្មវិធី Mid Journey និងមានរូបថតមួយក្រុមទៀតនឹងមកក្នុងប៉ុន្មានសប្ដាហ៍ទៀត។ »
លោក Jeremie Montessuis ក៏បន្ថែមទៀតថា៖ «ខ្ញុំមិនមានកម្មសិទ្ធិបញ្ញាលើរូបទាំងអស់នេះទេ ការងារនេះគឺដូចជារឿងកំប្លែងបែបស្រមើស្រមៃ ដើម្បីភាពសប្បាយរីករាយ បង្ហាញពីទស្សនីយភាពនៅក្នុងពេលវេលាពីអតីតកាលដែលយើងកំពុងជួបប្រទះនាពេលបច្ចុប្បន្ននេះ ដូចជា ជំងឺរាលត្បាតកូវីដ-១៩,ការឡើងកំដៅផែនដី, សង្គ្រាមនៅក្នុងប្រទេសអ៊ុយក្រែន -ល-។ អ្នកទាំងអស់គ្នាអាចប្រើប្រាស់រូបភាពទាំងនេះ ដោយសេរី និងធ្វើការចែករំលែក សូមរីករាយជាមួយរូបភាពពីអតីតកាល ក្នុងទសវត្ស៦០។ AI បានបង្កើតរូបថតបែបស្រមើស្រមៃ ប៉ុន្តែរូបភាពពិត ត្រូវបានបង្កើតដោយយកចិត្តទុកដាក់។ អរគុណសម្រាប់ការចូលចិត្ត និងគាំទ្រ ៕ »
ព័ត៌មានថ្មីៗ
