កត់ទុកទៅ! ក្រោយទទួលទានអាហារ ៣០ នាទី ត្រូវលូកផ្លែឈើ ៥ ដើម្បីបញ្ចុះជាតិស្ករក្នុងឈាម
ជំងឺទឹកនោមផ្អែម គឺជាជំងឺដ៏គ្រោះថ្នាក់បំផុត ដែលមនុស្សជាច្រើនតែងតែជួបប្រទះ ហើយអ្នកខ្លះទៅកើតជំងឺនេះដោយមិនដឹងខ្លួន។ យ៉ាងណាការគ្រប់គ្រងជាតិស្ករក្នុងឈាម គឺពិតជាសំខាន់សម្រាប់ដំណាក់កាលដើម្បីបញ្ចៀសអ្នក ពីការវិវត្តទៅរកជំងឺដ៏កាចសាហាវខាងលើ។
ខាងក្រោម Knongsrok ណែនាំផ្លែឈើ ៥ ប្រភេទ ដែលអ្នកគួរទម្លាប់ទទួលទានវា ក្រោយពេលហូបអាហារពេលថ្ងៃ ឬពេលល្ងាចរួច ក្រោយ ៣០ នាទី ព្រោះវាអាចបញ្ចុះជាតិស្ករក្នុងឈាមបានយ៉ាងមានប្រសិទ្ធភាព៖
៥) ផ្លែស្រ្តបឺរី
ជាប្រភពនៃសារធាតុប្រឆាំងអុកស៊ីតកម្ម ហើយវាផ្តល់ប្រយោជន៍សម្រាប់ការគ្រប់គ្រងតុល្យភាពជាតិស្ករក្នុងឈាម និងការពារភាពតានតឹង Stress។ ការសិក្សាបង្ហាញថា ភាពតានតឹងក៏ជាដើមចមនាំឲ្យកើតជំងឺទឹកនោមផ្អែមបានដែរ ដូច្នេះការទទួលទានផ្លែឈើនេះ គឺល្អបំផុត។
៤) ក្រូចថ្លុង
មានជាតទឹក ៩១ ភាគរយ ហើយសម្បូរទៅដោយវីតាមីន C និងមានជាតិសរសៃខ្ពស់ ដែលអាចរលាយបាន។ ក្រូចថ្លុងក៏មានផ្ទុកសារធាតុ Naringenin ដែលជាសមាសធាតុជូរចត់បែបធម្មជាតិ បង្កើនភាពប្រែប្រួលនៃរាងកាយទៅនឹងអាំងស៊ុយលីន។ ដូច្នេះគ្រាន់តែទម្លាប់ទទួលទានក្រូចថ្លុងកន្លះផ្លែ/ថ្ងៃ ក៏អាចគ្រប់គ្រងកម្រិតជាតិស្ករបានដែរ។
៣) ផ្លែប៉ោម
ផ្លែប៉ោមសម្បូរទៅដោយវីតាមីន C ជាតិសរសៃទាប និងសារធាតុប្រឆាំងអុកស៊ីតកម្មខ្ពស់។ វាក៏មានសារជាតិ Pectin ជួយកម្ចាត់ជាតិពុលចេញពីរាងកាយ និងកាត់បន្ថយតម្រូវការអាំងស៊ុយលីន ចំពោះអ្នកជំងឺទឹកនោមផ្អែមបានប្រមាណ ៣៥ ភាគរយ។
២) ផ្លែត្របែក
ជួយកាត់បន្ថយកូលេស្តេរ៉ុល ជាហេតុនាំឲ្យបញ្ចៀសហានិភ័យនៃការកើតជំងឺសរសៃបេះដូង និងទឹកនោមផ្អែម។ វាក៏មានវីតាមីន C ច្រើនជាងផ្លែក្រូចដល់ទៅ ៤ ដង ហើយបរិមាណជាតិសរសៃ ដែលមាន ៦ ក្រាមក្នុងផ្លែត្របែក ១០០ ក្រាមនោះ ដើរតួចូលទៅកាត់បន្ថយការស្រូបយកជាតិស្ករក្នុងឈាមយ៉ាងមានប្រសិទ្ធភាព។
១) ផ្លែល្ហុង
សម្បូរទៅដោយសារធាតុប្រឆាំងអុកស៊ីតកម្ម លើសពីនេះវាក៏មានវីតាមីន C, A និងសារធាតុរ៉ែមួយចំនួន ផ្តល់សារធាតុចិញ្ចឹមល្អមកកាន់រាងកាយ ការពារទាំងការកើតជំងឺសរសៃឈាម បេះដូង និងទឹកនោមផ្អែម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
